دیمیتری پسکوو: آمریکانین ایران تاسیسلرینه قارشی هوجومونو خوش قارشیلامیریق
کرملین سؤزچوسو: بؤلگهده یوکسک موناقیشه اولما احتیمالینی نظره آلاراق، بیز وضعییتین ثابیتلییینین پوزولماسینا و گرگینلییین آرتماسینا سبب اولابیلجک هر هانسی حرکتی خوش قارشیلامیریق
روسیه جومهور باشقانی سارایینین (کرملین) سؤزچوسو دیمیتری پسکوو، آمریکانین ایران تاسیسلرینه قارشی مومکون جاواب هوجومونو خوش قارشیلامادیقلارینی ایفاده ائدرک، "ایندی گرگینلییی آزالتماق اوچون آددیملار آتماغین واختیدیر" دئدی.
دیمیتری پسکوو پایتاخت موسکودا ژورنالیستلره آمریکانین سوریه-اردن سرحدیندهکی آمریکا حربی مرکزینه هوجوما جاواب اولاراق ایران تاسیسلرینه هوجوم احتیمالینی دیرلندیریب.
پسکوو، بؤلگهده گرگینلییی آرتیراجاق آددیملاردان قاچینمانین لازیم اولدوغونو وورغولایاراق، "بؤلگهده یوکسک موناقیشه اولما احتیمالینی نظره آلاراق، بیز وضعییتین ثابیتلییینین پوزولماسینا و گرگینلییین آرتماسینا سبب اولابیلجک هر هانسی حرکتی خوش قارشیلامیریق." دئدی.
کرملین سؤزچوسو گرگینلییین آزالدیلماسی اوچون آددیملارین آتیلماسی لازیم اولدوغونو ایفاده ائدرک، "بؤلگهدکی گرگینلییین سوییهسینین سون درجه ناراحاتلیق دوغوردوغونا اینانیریق. ایندی گرگینلییی آزالتماق اوچون آددیملار آتماغین واختیدیر. بو، خوسوسیله اورتا دوغودا موناقیشهنین داها دا یاییلماسینین اؤنونو آلماغا کؤمک ائده بیلجک تکجه شئیدیر. بو، حاضیردا بیزیم اوچون سون درجه اؤنملیدیر." دئدی.
آغ ائوین سوریه-اردن سرحدیندهکی آمریکا حربی مرکزینه هوجوملا باغلی وئردییی یازیلی آچیقلامایا گؤره، پرزیدنت جو بایدن هوجومون سوریه و عراقدا فعالییت گؤسترن ایرانین دستکلدییی رادیکال سیلاحلی قروپلار طرفیندن حیاتا کئچیریلدییینی بیلدیریب.
هوجوما گؤره مسولییت داشییانلارین آمریکانین سئچدییی واخت و شکیلده جاواب وئرجکلرینی قید ائدن بایدن، بو ساواشدا موباریزیه داوام ائدجکلرینی وورغولاییب.
آمریکا مرکزی کوماندانلیغیندان (سنتکوم) وئریلن یازیلی آچیقلامادا اردنین قوزئی-دوغوسوندا بیرطرفلی پیلوتسوز طییارهنین هوجومو نتیجهسینده 3 آمریکا عسگرینین اؤلدویو، 34 نفرین ایسه یارالاندیغی بیلدیریلیب.
ایلگیلیلی خبرلر
لندنده قیلینجلی سالدیری
الی قیلینجلی شخص، ایکیسی پلیس مأمورو اولماق اوزره ۵ نفری قیلینجییلا یارالادی