دی ولت قزئتی: تۆرکیه گئدهرک داها دا اؤنم قازانان بیر اؤلکه اولدو
"آمریکا بیرلشمیش دؤولتلرینین سؤز گئچیرمه گوجونو ایتیردیگی و یئنی گوج قطبلارینین اورتایا چیخدیغی بیر دونیادا تۆرکیه گئدهرک اؤنم قازانیر"
آلمان دی ولت قزئتی، تۆرکیهنین گئدهرک داها دا اؤنم قازانان بیر اؤلکه اولدوغونو یازدی.
قزئتین تۆرکیه بؤیوک میللت مجلیسینین سوئدین ناتو عضولوگونو تصویب ائتمهسینی اله آلدیغی خبرینده، "آمریکا بیرلشمیش دؤولتلرینین نفوذونو (سؤز گئچیرمه گوجونو) ایتیردیگی و یئنی گوج قطبلارینین اورتایا چیخدیغی بیر دونیادا تۆرکیه گئدهرک اؤنم قازانیر. ناتو اوچون آنکارا؛ آوروپا، قوزئی آفریقا، اورتا دوغو، قافقازلار و قارادنیز آراسینداکی استراتژیک نقطهده ساوونمایا حاضر اولدوغونو گؤسترمهسی باخیمیندان وازگئچیلمزدیر" ایفادهلرینه یئر وئریلدی.
خبرده، تۆرک پارلامانینین سوئدین عضولوگونه یاشیل ایشیق یاندیرمیش اولماسینین باتی اوچون بیر باشاری علامتی اولماقدان چوخ باتینین تۆرکیه اوزرینده نه قدر آز ائتکیسی اولدوغونو اورتایا قویدوغو ایفاده ائدیلدی.
هر اختیلافین تۆرکیهنی باتیدان (داها دا) اوزاقلاشدیرما و روسیایا یاخینلاشدیرما ریسکی داشیدیغی و کیمسهنین بئله بیر ریسک آلماق ایستهمهدیگی وورغولانان خبرده، "راحاتسیز ائدیجی گئرچک بودور کی (جمهورباشقانی رجب طیب) اردوغان اولمادان بو ایش اولمایاجاق. آنکارا دا ان آز برلین و واشینگتن قدر بونون فرقینده" دگرلهندیرمهسینی وئردی.
جمهورباشقانی اردوغانین سوئده ناتو عضولوگو اوچون آغیر بیر بدل اؤدتدیردیگی ساوونولاراق، "استکهلم، تۆرکیه اوچون ترورلا موباریزه قانونونو دییشدیردی. آنکارا و آمریکا آیریجا تۆرک اف-۱۶ دونانماسینین مدرنیزاسیونو اوچون بازارلیق ائتدی" ایفادهلری ایشلهدیلدی.
ایلگیلیلی خبرلر
کنیسهنی یاندیرماغا چالیشان شخص اؤلدورولدو
فرانسادا پلیس، بیر کنیسهنی یاندیرماغا چالیشدیغی ادعا ائدیلن شخصی اؤلدوردو
کنیا-دا داشقینلاردا 290-دان چوخ اینسان اؤلوب
کنیا-دا داشقینلاردا اؤلنلرین سایی 291-ا یوکسلیب، 75 نفر ایتکین دوشوب، داها 188 نفر یارالانیب.