اینگیلتره-نین خاریجی ایشلر ناظیری تورکیه-یه رسمی سفره گلهجک
اینگیلتره-نین خاریجی ایشلر ناظری دیوید کامرون غزه-ده دایمی آتشکسین تامین اولونماسی سعیلری چرچیوهسینده تورکیه، ایسراییل، فیلیسطین و قطره سفر ائدهجک.
اینگیلترهنین خاریجی ایشلر ناظری دیوید کامرون غزه-ده دایمی آتشکسین تامین اولونماسی سعیلری چرچیوهسینده تورکیه، ایسراییل، فیلیسطین و قطره سفر ائدهجک.
اینگیلتره خاریجی ایشلر ناظیرلیگیندن وئریلن آچیقلامادا دیوید کامرونون بو هفته بؤلگه لیدرلری ایله تماسلاریندا غزه-یه داها چوخ اینسانی یاردیم چاتدیریلماسی، اسیرلرین آزاد ائدیلمهسی و داواملی و دایمی آتشکسه نایل اولونماسینا دقت یئتیرجگی بیلدیریلیب.
آچیقلامادا دیوید کامرونون تورکیه-دهکی حکومت رسمیلری ایله تماسلاریندا بولگهسل تهلوکهسیزلیک و اورتا دوغوداکی دیگر میدان اوخومالاری موذاکیره ائدجگی قئید ائدیلیب.
آچیقلامادا "اینگیلتره و تورکیه-نین یاخین طرفداشلیغی وار و بیز ناتو و اوکراینایا دستکین گوجلندیریلمهسی، ترور و غیری-قانونی کوچ ایله موباریزه ساحهسینده مهم ایشیمیزی داوام ائتدیرجییک" دئییلیب.
دیوید کامرونون ایسراییل-ده باش ناظیر بنیامین نتانیاهو و خاریجی ایشلر ناظیری سراییل کاتز ایله گؤروشهجگی، غزه-یه اینسانی یاردیمین سرعتله و اهمیتلی درجهده آرتیریلماسینی طلب ائدجگی و اؤلکهسینین سیویل وطنداشلارین ایتکی سایینین چوخ اولماسی ایله باغلی ناراحاتلیغینی چاتدیراجاغی آچیقلامادا قئید ائدیلیب.
خاریجی ایشلر ناظیری دیوید کامرونون غزه-یه یاردیم اوچون اشدود لیمانی و کرم شالوم سرحد-کئچید منطقهسی ده داخیل اولماقلا داها چوخ کئچید منطقهسینین ایستیفادهسی، سو، یاناجاق و الکتریک تجهیزاتینین نورمال وضعیته سالینماسی طلبلرینی تکرارلایاجاغی بیلدیریلیب.
ایلگیلیلی خبرلر
لندنده قیلینجلی سالدیری
الی قیلینجلی شخص، ایکیسی پلیس مأمورو اولماق اوزره ۵ نفری قیلینجییلا یارالادی