اسیر دییشیمی اوچون چابالار داوام ائدیر
جو بایدنین اورتا دوغو اؤزل نمایندهسی برت مکگورک ایله قطر باشباخانی محمد بن عبدالرحمان آل ثانی، دوحهده گؤروشدو
آمریکالی و قطرلی مقاملار، حماس ایله ایسرائیل آراسیندا یئنی بیر اسیر دییشیمی یولوندا چابالاری دانیشماق اوچون، قطرین باشکندی دوحهده بیر آرایا گلدی.
آمریکا بیرلشمیش دؤولتلرینده یایینی اولان "آکسیوس" خبر سایتینین آدینی آچیقلامادیغی ۳ قایناغینا دایاندیردیغی خبره گؤره، آمریکا بیرلشمیش دؤولتلری باشقانی جو بایدنین اورتا دوغو اؤزل نمایندهسی برت مکگورک ایله قطر باشباخانی محمد بن عبدالرحمان آل ثانی، دوحهده گؤروشدو.
گؤروشمهده، بؤلگهسل گرگینلیکلر و حماس ایله ایسرائیل آراسیندا یئنی بیر اسیر دییشیمی ساغلاما یولوندا چابالار اله آلیندی.
قایناقلارا گؤره، ایسرائیلین لبنانین باشکندی بیروتدا حماسین اۆست سویه ایدارهچیلریندن صالح العاورینی اؤلدورمهسی اۆزرینه حماس طرفیندن آسقییا آلینان گؤروشمهلر، بو هفته باشیندا یئنیدن باشلادی.
آنجاق واشینگتن و دوحه رهبرلیکلری بونا باغلی آچیقلاما وئرمهدی.
آمریکا بیرلشمیش دؤولتلری خاریجی ایشلر باخانی آنتونی بلینکن، تورکیه و یونانیستانین آردیندان بؤلگه سفری چرچیوهسینده سیرایلا اردن، قطر، بیرلشمیش عرب امرلیکلری، سعودی عربیستان و ایسرائیله گئتمیشدی. بلینکن دۆنن ایسرائیل جمهورباشقانی اسحاق هرتزوگ، باشباخان نتانیاهو، خاریجی ایشلر باخانی یسرایئل کاتس و ساواش کابینهسی عضولری ایله بیر آرایا گلمیشدی.
بلینکنین آیریجا ایسرائیلدهکی استخبارات تشکیلاتلارینین باشچقانلارییلا دا غزهدهکی اسیرلرله باغلی گؤروشمهلر ائتدیگی بیلدیریلمیشدی.
غزهده توتولان اسیرلرین بعضیلرینین عائلهلری ایله ده دوۆنن بیر آرایا گلن بلینکن، "گئرییه قالان گیروولاری ائوه گتیرمهیه سیخ بیر شکیلده متمرکز اولدوق" ایفادهلرینی ایشلتدی.
حماسین عسگری قانادی عزالدین قسام توغایلاری، "فیلیسطینلیلره و باشدا مسجدالاقصی اولماق اوۆزره قوتسال دگرلره قارشی داواملی پوزونتولارا جقارشیلیق وئرمه" سببی ایله ایسرائیله ۷ اکتبردا گئنیش سالدیری تشکیل ائدرکن، چوخ ساییدا ایسرائیللی ده اسیر آلینمیشدی.
قطر و مصرین آراچیلیغیندا غزهدهکی چاتیشمالارا ۲۴ نوامبردا ۴ گونلوگونه وئریلهن و داها سونرا ۳ گون اوزادیلان "اینسانی آرا"دا، ایسرائیللی ۸۱ و فیلیسطینلی ۲۴۰ اسیر قارشیلیقلی سربست بوراخیلمیشدی.
حماسین الینده ۳۰دان چوخ ایسرائیللی اسیر داها اولدوغو تخمین ائدیلیر.