نتانیاهو: "اینسانی فاصیله هر 10 ایسراییل‌لی اسیر اوچون بیر گون اوزادیلا بیلر"

نتانیاهو ایسراییل باش ناظیرلیگی‌نین "ایکس" سوسیال مئدیا حسابیندا یاییم‌لانان ویدئومراجیتینده امریکا پرزیدنتی جو بایدن ایله تلفون دانیشیغی آپاردیغینی بیلدیریب.

ایسراییلین باش ناظیری بنیامین نتانیاهو امریکا پرزیدنتی جو بایدن ایله تلفون دانیشیغیندان سونرا غزه زولاغیندا گونده علاوه 10 گیرووون آزاد ائدیلمه‌سی شرطی ایله دؤرد گونلوک اینسانی آتشکسین اوزادیلماسی ایمکانینی مثبت قیمتلندیردیگینی بیلدیریب.

نتانیاهو ایسراییل باش ناظیرلیگی‌نین "ایکس" سوسیال مئدیا حسابیندا یاییم‌لانان ویدئومراجیتینده امریکا پرزیدنتی جو بایدن ایله تلفون دانیشیغی آپاردیغینی بیلدیریب.

بایدن ایله گؤروشو ایله باغلی آچیقلاما وئرن نتانیاهو "حماس" طرفیندن آزاد ائدیلن هر 10 ایسراییل‌لی محبوس اوچون اینسانی فاصیله‌نین بیر گون اوزادیلماسینا دایر چرچیوه‌سینی مثبت قیمتلندیردیگینی بیلدیریب.

امریکا پرزیدنتی جو بایدن ایله "بو چرچیوه بیتدیک‌دن سونرا مقصدلرینه چاتماق اوچون بوتون گوجلری ایله گئری دؤنه‌جک‌لرینی" دئدیگینی وورغولایان ایسراییل باش ناظیری هدف‌لرینی "حماس"ی محو ائتمک، غزه-نین کئچمیش‌ده‌کی وضعیتینه قاییتمایاجاغینا امین اولماق و ایسرابیل‌لی اسیرلری گئری قایتارماق" اولااق سادالاییب.

دیگر طرف‌دن، "حماس" دا دونن آخشام ساعات‌لاریندا داها چوخ اسیری آزاد ائتمک اوچون ایسراییل ایله قارشیدورمادا "اینسانی فاصیله‌نی" اوزاتماغا جهد ائتدیک‌لرینی آچیقلاییب.

قئید ائدک کی، ایسراییل و "حماس" آراسیندا توققوشما‌لاردا 4 گونلوک "اینسانی فاصیله" ایله باغلی راضیلاشما 24 نوامبر جمعه گونو ساعات 07:00-دا (GMT 08:00)  قوه‌یه مینیب.

راضیلاشمایا اساساً، "حماس"ین ساخلادیغی 50 ایسراییل‌لی اسیرین اوزینده ایسراییل حبس‌خانا‌لاریندا اولان 150 فیلیسطین‌لی آزاد ائدیله‌جک. آزاد ائدیله‌جک اسیرلر آراسیندا هر ایکی طرف‌دن قادین و اوشاق‌لار دا وار.

"حماس" اعلان ائدیب کی، اینسانی فاصیله غزه-نین بوتون بؤلگه‌لرینه چات‌دیریلا‌جاق 200 یاردیم ماشینی و 4 یانا‌جاق تانکری‌نین گونده‌لیک گیریشینی احاته ائدیر.

راضیلاشما چرچیوه‌سینده ایندییه‌دک غزه زولاغیندان 39 ایسراییل‌لی قادین و اوشاق، ایسراییل حبس خانالاریندان‌ ایسه 117 فیلیسطین‌لی قادین و اوشاق آزاد ائدیلیب.