خارجی نمایندهلیکلردن جمهوریت بایرامی مئساژلاری
"بو گونکو قوتلامالار، تورکیهنین تیجارت، اقتصاد، ساغلیق، تحصیل، توریزم، ساوونما، آلتیاپی و دیگر ساحهلردهکی ایرلیلهمهسینی، قزارلیلیغینی و اؤنملی باشاریلارینی عکس ائتدیرمکدهدیر"
تورکیهدهکی خاریجی نمایندهلیکلر، تورکیه جمهوریتینین قورولوشونون ۱۰۰.جو ایلی سببی ایله تبریک مئساژلاری پایلاشدی.
آلمانیانین آنکارا ائلچیلیگینین ایکس پلتفورمو حسابیندان، ائلچی یورگن شولزون مئساژی یاییملاندی.
شولز، مئساژیندا، تورکیهنین ۱۰۰.جو ایل دؤنومونو تبریک ائدرک، "تورکیه جمهوریتینین ۱۰۰.جو ایل دؤنومونو قوتلاماغی صبیرسیزلیکله گؤزلهییریک" ایفادهسینی ایشلتدی.
قورولوشوندان قیسا بیر مدت سونرا تورکیه ایله آلمانیا آراسیندا ۱۹۲۴ده بیر "دوستلوق آندلاشماسی" ایمضالاندیغینی ایفاده ائدن شولز، آیریجا ۱۹۶۰.جی ایللردن اعتباراً تورکیهدن آلمانیایا چالیشماق اوچون گئدن بیر چوخ اینسان سایهسینده ایکی اؤلکه آراسینداکی ایلیشکیلرین بنزرسیز سرعت قازاندیغینی ایفاده ائتدی.
شولز، "بو گون آلمانیادا یاشایان ۳ میلیوندان چوخ تورک وار و بو بیزی قالیجی اولاراق بیربیریمیزه باغلاییر آنجاق ایلیشکیلریمیزی عینی زاماندا سیاست، اقتصاد، بیلیم، تحصیل، ایدمان و مدنیت ساحهلریندهکی یاخین امکداشلیغیمیز دا شکیللندیریر. بو باغلاری گلهجکده ده قوروماق و داها دا سیخلاشدیرماق ایستهییریک" ایفادهسینی ایشلتدی.
فرانسانین آنکارا ائلچیسی ایزابل دومونت، ایکس سوسیال مئدیا پلتفورموندان پایلاشدیغی مئساژدا، آنکاراداکی قونومداشلارییلا بیرلیکده مدرن تورکیهنین قوروجوسو اولو اؤندر مصطفی کمال آتاتورکو سایغییلا آنماق اوچون آنیدقبیره گئتدیکلرینی، سایغی دوروشو ائتمک اوزره بورا گلن هر قورشاقدان مینلرجه اینسانین جوشغوسونون اؤزونه چوخ تأثیر ائتدیگینی ایفاده ائتدی.
پاکیستانین آنکارا ائلچیلیگی ده ایکس سوسیال مئدیا پلتفورموندان ائلچی یوسف جونیدین مئساژینی پایلاشدی.
جونید، پاکیستان خالقی و حکومتی آدینا تورکیهنین ۱۰۰.جو قورولوش ایل دؤنومو سببی ایله تورک میللتینه ان صمیمی تبریکلرینی سوندوغونو ایفاده ائدرک،
"بو گونکو قوتلامالار، تورکیهنین تیجارت، اقتصاد، ساغلیق، تحصیل، توریزم، ساوونما، آلتیاپی و دیگر ساحهلردهکی ایرلیلهمهسینی، قزارلیلیغینی و اؤنملی باشاریلارینی عکس ائتدیرمکدهدیر. جمهوریتین ۱۰۰.جو ایلی جدی چتینلیکلره باخمایاراق مرفه و دموکراتیک بیر اولوس اولوشدورماق اوچون یورولمادان چالیشان تورک لیدئرلرینین و خالقینین سارسیلماز باغلیلیغینین و ویزیونونون بیر دلیلیدیر" ایفادهلرینه یئر وئردی.
ایلگیلیلی خبرلر
لندنده قیلینجلی سالدیری
الی قیلینجلی شخص، ایکیسی پلیس مأمورو اولماق اوزره ۵ نفری قیلینجییلا یارالادی