کربی: روسیا امرلره اویمایان عسگرلرینی اعدام ائدیر
"امرلره اویماق ایسته‌مه‌یه‌ن عسگرلری اعدام ائتمه‌یی دوشونمک قینانماسی لازیم اولان بیر دورومدور"
آغ ائو، روسیانین اوکراینادا امرلره اویمایان عسگرلرینی "اعدام ائتدیگینی" و باشچیلارینین اوکرایناداکی جبهه خطلریندن گئری چکیلمک ایسته‌یه‌ن بیرلیکلری اؤلدورمکله تهدید ائتدیگینی ادعا ائتدی.
آمریکا بیرلشمیش دؤولتلرین‌ده آغ ائو میللی گوونلیک شوراسی استراتژیک ارتباط کوردیناتورو جان کربی، روسیانین اوکرایناداکی بیرلیکلرینین "تعلیم و تجهیزاتینین یئترسیز، ساواشا حاضرلیقسیز" اولدوغونو ایفاده ائد‌رک، بونون دا "روحیه دوشوکلوگونه و امرلره اویمایا قارشی مقاومت گؤسترمه‌لرینه" سبب اولدوغونو سؤیله‌دی.
روسیانین "پیس تعلیملی عسگرلری اویغون تجهیزات، لیدئرلیک، قایناق و دستک اولمادان بیر باشا ساواشا گؤندردیگینی" بیلدیرن کربی، "بوتون بو شرطلر گؤز اؤنونه آلیندیغیندا روس گوجلرینین روحیه‌سینین آشاغی اولماسی تعجب وئریجی دئییل" ایفاده‌لرینی ایشلتدی.
روسیانین اوکراینادا امرلره اویمایان عسگرلرینی "اعدام ائتدیگینی" و باشچیلارینین اوکرایناداکی جبهه خطلریندن گئری چکیلمک ایسته‌یه‌ن بیرلیکلری اؤلدورمکله تهدید ائتدیگینی ادعا ائدن کربی، "امرلره اویماق ایسته‌مه‌یه‌ن عسگرلری اعدام ائتمه‌یی دوشونمه‌گین قینانماسی لازیم اولان بیر دوروم اولدوغونو" دئدی.
کربی، "بوتون بیریملری اعدام ایله تهدید ائتمک باربارلیقدیر" دئدی.
