فلیسطیندن دونیایا چاغری
فلیسطین رهبرلیگی غزهیه عاجیل غذا و طبی لوازیم گیریشی تامین ائدیلمهسینی طلب ائتدی
فلیسطین رهبرلیگی، اسرائیلین محاصره آلتینداکی غزهیه الکتریک و سویو کسمهسینین آردیندان، عاجیل غذا و طبی لوازیم گیریشی تامین ائدیلمهسینی ایستهدی.
فلیسطین قورتولوش هؤرگوتو ایجرا کمیتهسی باش کاتیبی حسین الشیخ، یاییملادیغی یازیلی آچیقلامادا، اسرائیلین ۷ اکتبردان بو یانا بوتون سرحد قاپیلارینی باغلادیغینا ایشاره ائدرک، فلیسطین رهبرلیگینین غزهیه عاجیل غذا و طبی لوازیم گیریشی تامین ائدیلمهسینی طلب ائتدیگینی ایفاده ائتدی.
اسرائیل ساوونما باخانی یواف گالانت، غزهیه تام محاصره تطبیق ائدجکلرینی، بؤلگهیه الکتریک، یئمک و یاناجاق وئریلمهیهجگینی سؤیلهمیشدی.
اسرائیل انرژی باخانی یسرایئل کاتز دا دونن تخمیناً ۲ میلیون فلسطینلینین یاشادیغی غزهیه سو آخیشینین کسیلدیگینی آچیقلامیشدی.
حماسین عسگری قانادی قسام توغایلاری، جمعهائرتهسی گونو اسرائیله "الاقصی توفانی" آدلی احاطهلی بیر سالدیری باشلاتدیغینی بیلدیرمیشدی. غزهدن اسرائیله مینلرجه راکت آتیلارکهن سلاحلی قروپلار دا بؤلگهدهکی یئرلهشیم یئرلرینه گیرمیشدی.
اسرائیل اوردوسو دا ساواش اوچاقلاری ایله غزهیه دمیر قیلینجلار عملیاتی باشلاتدیغینی آچیقلامیشدی.
آرتان گرگینلیکده هر ایکی طرفدن یوزلرجه جان ایتکیسی وار.