موختلیف اؤلکهلر تورکیه حکومتی و خالقی ایله هم رای اولدوقلارینی بیلدیریبلر
لاتین امریکاسی اؤلکهلری پایتاخت آنکارادا تؤرهدیلن ترور آکتینی پیسلهییب، تورکیه حکومتی و خالقی ایله هم رای اولدوقلارینی بیلدیریبلر.
لاتین امریکاسی اؤلکهلری پایتاخت آنکارادا تؤرهدیلن ترور آکتینی پیسلهییب، تورکیه حکومتی و خالقی ایله هم رای اولدوقلارینی بیلدیریبلر.
کلمبیا خاریجی ایشلر ناظیرلیگینین ایکس سوسیال مئدیا حسابیندان ائدیلن پایلاشیمدا "کلمبیا پایتاخت آنکارادا ایچ ایشلر ناظیرلیگینین یاخینلیغیندا تؤرهدیلن ترور آکتینی قطعیت ایله پیسلییر" دئییلیب.
اکوادور خاریجی ایشلر ناظیرلیگینین ائتدیگی پایلاشیمدا دا تورکیه ایله دایانیشما ایفاده اولونوب، ترور آکتی پیسلنیلیب و یارالانانلارا تئزلیکله شفا دیلنیب.
پرو حکومتینین اینتئرنت سایتیندا وئریلن آچیقلامادا آنکارادا تؤرهدیلن ترور آکتینین شدتله پیسلندیگی، تورک خالقی و حکومتی ایله "گوجلو" دایانیشمانین ایفاده ائدیلدیگی بیلدیریلیب.
ال سالوادور خاریجی ایشلر ناظیرلیگینین وئردیگی آچیقلامادا آنکارادا تؤرهدیلن ترور آکتی "ان گوجلو شکیلده" پیسلنیلیب و تورکیه خالقی و حکومتی ایله هم رای اولدوغو ایفاده ائدیلیب.
پاراگوئه حکومتینین سایتیندا وئریلن آچیقلامادا "پاراگوئه جمهوریتی حکومتی دونن سحر ساعاتلاریندا تورکیه جمهوریتینین پایتاختی آنکارادا ترورچولار طرفیندن حیاتا کئچیریلن اینتحارچی هوجومو قطعیتله پیسلییر" دئییلیب.
برزیلیا خاریجی ایشلر ناظیرلیگینین اینترنئت سایتیندا یئر آلان آچیقلامادا 2 پولیسین یارالاندیغی ترور آکتی خبرینین "کدرله" قارشیلاندیغی بیلدیریلیب. آچیقلامادا "برزیلیا تورک خالقی و حکومتی ایله هم رای اولدوغونو وورغولاییر. سببیندن آسیلی اولمایاراق هر جور ترور آکتینی قطعیت ایله رد ائتدیگینی بیر داها وورغولاییر" دئییلیب.
گواتمالا خاریجی ایشلر ناظیرلیگینین ایکس حسابیندا ائدیلن پایلاشیمدا آنکارادا تؤرهدیلن ترور آکتی پیسلنهرک بئله دئییلیب:
"تورکیه خالقی و حکومتی ایله تام هم رای اولدوغوموزو بیلدیریر و یارالانانلارین تئزلیکله ساغالماسینی دیلییریک”.
مکزیکا خاریجی ایشلر ناظیرلیگینین سایتیندان "مکزیکا آنکارادا تؤرهدیلن ترور آکتینی پیسلییر، تورکیه توپلومو و حکومتی ایله هم رای اولدوغونو بیلدیریر و هوجومدا یارالانانلارین تئزلیکله ساغالماسینی آرزولاییر" ایفادهلری پایلاشیلیب.
ایلگیلیلی خبرلر
کنیادا داشقینلار نتیجهسینده 90-دان چوخ اینسان هلاک اولوب
کنیادا داشقینلار سببیندن 90-دان چوخ اینسان حیاتینی ایتیریب.