بایدن: ""آبرامز" تانکلارینین ایلک پارتیسی گلن هفته اوکراینایا تحویل وئریلهجک"
امریکا پرزیدنتی جو بایدن امریکانین ایلک "آبرامز" تانکلارینین گلن هفته اوکراینایا تحویل وئریلهجگینی آچیقلاییب.
امریکا پرزیدنتی جو بایدن امریکانین ایلک "آبرامز" تانکلارینین گلن هفته اوکراینایا تحویل وئریلهجگینی آچیقلاییب.
بایدن و حیات یولداشی جیل بایدن آغ ائوده اوکراینا پرزیدنتی ولودیمیر زلنسکی و حیات یولداشی یلنا زلنسکینی قبول ائدیبلر.
اوکراینا خالقینین گؤستردیگی جسارتی تعریفلهین بایدن روسیا پرزیدنتی ولادیمیر پوتینین اوکراینانی و ناتو-نو محو ائده بیلهجگی ایله باغلی فیکیرلرینده یانیلدیغینی دئییب.
بایدن وورغولاییب کی، امریکا متفیقلری و طرفداشلاری ایله بیرلیکده اوکراینانین اراضیسینی گئری آلماق اوچون اینسانی یاردیم و حربی دستک گؤسترمهیه داوام ائدهجک.
اوکراینانین اگمنلیگینه و اراضی بوتؤولوگونه حؤرمت ائدن عدالتلی و داواملی باریشی دستکلدیکلری مئساژینی تکرارلایان بایدن روسیانین باریشا مانع اولدوغونو و ایستهسه بو گون محاربنی بیتیره بیلهجگینی قئید ائدیب.
جو بایدن روسیانین بونون عوضینه ایران و قوزیی کره-دن داها چوخ سلاح آلماغا چالیشدیغینی مدافعه ائیب.
امریکانین اوکراینایا یئنی 325 میلیون دولارلیق حربی یاردیمینی آچیقلایان بایدن پاکته داها چوخ دؤیوش تجهیزاتی و آوادانلیق داخیل اولدوغونو بیلدیریب:
"گلن هفته امریکانین ایلک "آبرامز "تانکلاری اوکراینایا چاتدیریلاجاق".
اوکراینانین گلهجگی چرچیوهسینده اصلاحات و مالیه دستکی وئرهجکلرینی آچیقلایان بایدن بو اؤلکهنی دستکلمهیه داوام ائدهجکلرینی وورغولادی.
زلنسکی ده امریکایا گؤستردیگی کمکه گؤره تشککور ائدیب و محصولدار گؤروش کئچیردیکلرینی بیلدیریب.
اوکراینانین ساوونما قابیلیتینین یاخشیلاشدیریلماسی، قیش دؤورونده هاوا هوجوموندان مدافعه ایمکانلارینین گوجلندیریلمهسی و تاخیل صادراتی کیمی مؤوضوع لاردا معین آددیملار اوزرینده راضیلاشدیقلارینی ایفاده ائدن زلنسکی باریش فرمولو اوزرینده ایشلمهیه داوام ائدهجکلرینی قئید ائدیب.