پوتین سن پترزبورگ-دا چین-ین خاریجی ایشلر ناظیرینی قبول ائدیب
روسیا باشچیسی سن پترزبورگ-دا چین-روسیا ایستراتژی تهلوکهسیزلیک مصلحت لشمه لری اوچون اؤلکهسینه سفر ائدن چین-ین خاریجی ایشلر ناظیری وانگ یی ایله گؤروشوب.
امریکا باشدا اولماقلا، گ7 اؤلکهلرینین اوکرایناداکی محاربهیه گؤره رسمی موسکوایا تضییقلرینی آرتیردیغی بیر واختدا روسیا پرزیدنتی ولادیمیر پوتین چینی بیرقطبلو هژمونیایا مقاومت گؤسترمهیه چاغیریب.
روسیا باشچیسی سن پترزبورگ-دا چین-روسیا ایستراتژی تهلوکهسیزلیک مصلحت لشمه لری اوچون اؤلکهسینه سفر ائدن چین-ین خاریجی ایشلر ناظیری وانگ یی ایله گؤروشوب.
چین خاریجی ایشلر ناظیرلیگینین وئردیگی معلوماتا گؤره، ولادیمیر پوتین گؤروش زامانی بیرقطبلو هژمونیایا و طرفلرآراسی قارشیدورمایا مقاومت گؤسترمهیه چاغیریب و ایستراتژی امکداشلیغین درینلشدیریلمهسی مئساژینی وئریب.
پوتین بیان ائدیب کی، روسیا چین-ین "بیر کمر، بیر یول" لاییحهسینی دستکلییر، اونو پوزماق و لکهلمک جهدلرینه قارشی چیخیر.
چین-ین خاریجی ایشلر ناظیری وانگ یی روسیا و چین-ین بمت تهلوکهسیزلیک شوراسینین دایمی عضولری اولاراق دونیادا اینکیشافی و طرقینی تشویق ائتمک اوچون مسئولیت داشیدیغینا دقت چکهرک دئییب: "بیز چوخ طتفلی ایستراتژی کووردیناسیانی قورومالی، ایکی اؤلکهنین قانونی حقوق و ماراقلارینی ساخلامالی، اولوسلار آراسی نیظامی داها عدالتلی و راسیونال ایستیقامته یؤنلتمهیه چالیشمالیییق.
چین طرفی بیلدیریب کی، پوتین روسیا-اوکراینا پروبلئمینی دیالوق و دانیشیقلار یولو ایله حل ائتمک ایستییر.
چین خاریجی ایشلر ناظیرینین روسیا سفری و ولادیمیر پوتینله گؤروشو نیویورکدا کئچیریلن بمت عمومی ایجلاسینین 78-جی اوتورومو زامانی بیر آرایا گلن گ-7 خاریجی ایشلر ناظیرلرینین موسکوانی روسیا-اوکراینا محاربهسینی اورتاق شکیلده بیتیرمهیه چاغیرماسینا سبب اولدو. امریکا، کانادا، اینگیلتره، آلمانیا، فرانسا، ایتالیا و ژاپونیادان عبارت گ-7 اؤلکهلرینین خاریجی ایشلر ناظیرلری سپتامبرین 18-ده بیرگه بیانات وئرهرک روسیادان بوتون عسگرلرینی و حربی تکنیکاسینی درحال و قئید-شرطسیز اوکراینادان چیخارماغی طلب ائتدیلر.
ایلگیلیلی خبرلر
لندنده قیلینجلی سالدیری
الی قیلینجلی شخص، ایکیسی پلیس مأمورو اولماق اوزره ۵ نفری قیلینجییلا یارالادی