امریکا تایوانی "آبرامز" تانک‌لاری ایله تامین ائده‌جک

امریکا گلن ایل 38 آبرامز تانکی‌نین ایلک پارتیاسینی تایوانا تداروک ائده‌جک.

بو باره‌ده تایوانین " زیو شیبائو" قزئتی معلومات یاییب.

نشر قئید ائدیر کی، برنامه‌یه اساساً، 2025-جی ایلده داها 42 تانکین تحویل وئریلمه‌سی پلانلاشدیریلیر. 2026-جی ایلده "آبرامز" تانکی‌نین سون پارتیاسی (28 عدد) وئریله‌جک.

آدانین قورو قوشون‌لاری تعلیم کئچمک اوچون امریکایا گؤندریله‌جک ظابط‌لر قروپو فورمالاشدیریب. تایوانا قاییتدیق‌دان سونرا اونلار سلاحلی قوه‌لرده حربی تعلیماتچی اولا‌جاق‌لار.

بون‌دان اول معلوم اولوب کی، امریکا حاکمیتی تایوانا 345 میلیون دو‌لارلیق حربی یاردیم پاکتی چرچیوه‌سینده دؤرد MQ-9A شناسایی اوچاغی تایوانا تحویل وئره‌جک.

قئید ائدک کی، امریکا تایوان اوردوسونا اساس سلاح تداروکچوسودور. حاضیردا آدایا امریکا سلاح‌لاری‌نین یئرینه یئتیریلممیش تداروک میقداری تخمینن 19 میلیارد دو‌لارا چاتیر.