اوکراینا پرزیدنتی زلنسکی دانیمارکایا سفر ائدیب

زلنسکینی دانیمارکانین باش ناظیری مته فردریکسن، خاریجی ایشلر ناظیری لارس لوکه راسموسن و ساوونما ناظیری یاکوب المان ینسن قارشیلاییب.

اوکراینا پرزیدنتی ولودیمیر زلنسکی هوللاندیا‌دان سونرا دانیمارکایا سفر ائدیب.

امریکانین اف-16 ساواش اوچاق لارینی اوکراینایا چات‌دیرماق اوچون هوللاندیا و دانیمارکایا یاشیل ایشیق یاندیردیقدان سونرا زلنسکی ایکی اؤلکه‌یه سفر ائدیب.

زلنسکینی دانیمارکانین باش ناظیری مته فردریکسن، خاریجی ایشلر ناظیری لارس لوکه راسموسن و ساوونما ناظیری یاکوب المان ینسن قارشیلاییب.

بیرگه مطبوعات کنفرانسیندا دانیشان فردریکسن اوکراینایا "لازیم اولدوغو مدتجه" دستکینی داوام ائتدیرمه‌یه حاضیر اولدوق‌لارینی و اؤلکه‌یه 6-سی گلن ایلین اولینده اولماقلا 19 عدد اف-16 ساواش ساواش اوچاغی گؤندره‌جک‌لرینی بیلدیریب.

دیگر 8 اوچاغین گلن ایل، قالان 5 اوچاغین ایسه 2025-جی ایلده تحویل وئریله‌جگینی آچیقلایان فردریکسن زلنسکییه مراجعت ائده‌رک، "بو اوچاق لاری دانیمارکانین اؤلکه‌نیزین آزادلیق موباریزه‌سینه سارسیلماز دستکی‌نین سمبولو کیمی قبول ائدین" دئییب.

فردریکسن همچنین بیلدیریب کی، حاضیردا 70-دن چوخ اوکراینا عسگری تعلیم کئچمک اوچون دانیمارکادا‌دیر.

اوکراینا پرزیدنتی زلنسکی ده هوللاندیا و دانیمارکانین اف-16 یاردیمینی اوکراینایا عینی یاردیمی گؤسترمک‌دن چکینن اؤلکه‌لر اوچون "آددیم آتا‌جاق" آددیم کیمی قیمتلندیریب.

اف-16 تداروک‌لری‌نین بو اوچاق لارین روسیا اراضی‌سینده ایستیفاده ائدیلمه‌مه‌سی کیمی شرط‌لره تابع اولوب-اولماماسی سوالینا جاواب اولا‌راق زلنسکی بو مسئله‌نین موذاکیره اولونمادیغینی، لاکین اوکراینا اراضی‌سی‌نین ساوونماسی‌نین "اساس مقصد" اولدوغونو بیلدیریب.