ناتو-دان اوکراینا آچیقلاماسی

ناتو اوکراینانین اراضی بوتؤو‌لوگونو دستکلدیگینی و بو مسئله‌ده موضع‌نین دییشمه‌دیگینی بیان ائدیب.

ناتو رسمی‌سی ناتو باش کاتیبی‌نین رئیس دفتری استیان جنسن "اوکراینا اراضی‌سی‌نین بیر حیسه‌سینی روسیایا وئرمک موقابیلینده ناتو عضوو اولا بیلر" شکلینده‌کی آچیقلاماسینی قیمتلندیریب.

"ناتو-نون موضعی آیدین‌دیر و دییشمزدیر. ناتو-یا عضو اؤلکه‌لرین لیدئرلری جولای دا ویلینیوس-دا کئچیریلن ایجلاسیندا بیر داها بیان ائتدی‌لر کی، بیز اوکراینانین اگمنلیگینی و اراضی بوتؤو‌لوگونو تام دستکلییریک"، - دئیه رسمی بیلدیریب.

ناتو رسمی‌سی سؤزلرینه بئله داوام ائدیب: "نه قدر واخت آپارسا دا، بیز اوکراینانی دستکلمه‌یه داوام ائدجییک. بیز عدالت‌لی و داواملی باریشا نایل اولماقدا قرارلیییق. باریشین نه واخت و هانسی شرط‌لرله الده اولوناجاغینا اوکراینا قرار وئره‌جک. محاربه‌نین تکرارلانماماسی اوچون تهلوکه‌سیزلیک تدبیرلرینه احتیاج اولدوغو آیدیندیر.

نروژ-ین "وردنس گانگ" ژورنالینین خبرینه گوره، ناتو باش کاتیبی‌نین رئیس دفتری استیان جنسن آرندال  شهرینده کئچیریلن پانلده اوکراینانین اراضی‌سی‌نین بیر حیسه‌سینی روسیایا وئرمه‌سی موقابیلینده ناتو عضوو اولا بیله‌جگینی بیلدیریب.

ژورنالیستین 'ناتو-نون باخیشی بومودور شکلینده‌کی سوالینی جاوابلان‌دیران استیان جنسن دئییب:"من دئمیرم کی، بو بئله اولما‌لی‌دیر. بونون مومکون حل یوللاریندان‌ بیری اولا بیله‌جگینی دئییرم".

ناتو-نون باش کاتیبی ینس استولتنبرگ ناتونون اوکراینانین اراضی بوتؤو‌لوگونو دستکلدیگینی، اونون عضو‌لوگونون یالنیز محاربه‌دن سونرا مومکون اولدوغونو و باریشین هانسی شرایطده الده اولوناجاغینا اوکراینانین قرار وئرجگینی تئز-تئز تکرارلاییر.