مراکش-ده 130 سنگال-لی کوچمن قورتاریلیب
مراکش ساحل گاردی اؤلکه‌نین گونئی ینده‌کی دخلا ایالتی‌نین ساحل‌لرینده قورویا چیخان قاییق‌دان 130 سنگال-لی غیری-قانونی کوچمنی خلاص ائدیب‌لر.
مراکش ساحل گاردی اؤلکه‌نین گونئی ینده‌کی دخلا ایالتی‌نین ساحل‌لرینده قورویا چیخان قاییق‌دان 130 سنگال-لی غیری-قانونی کوچمنی خلاص ائدیب‌لر.
مراکش رسمی آژانسی ام‌ای‌پی-نین خبرینده، دونن ساحله چیخان سؤزوگئدن قاییغین یئرینی ساحل تهلوکه‌سیزلیک قوه‌لری‌نین تعیین ائتدیگی بیلدیریلیب.
خبرده سنگال وطنداشی اولان 130 غیری-قانونی کوچمنین گمیده خلاص ائدیلدیگی بیل‌دیریله‌رک، آدی چکیلن مهاجرلرین محکمه سوره‌جی‌نین تاماملانماسی اوچون صلاحیت‌لی‌لره تحویل وئریلدیگی ایفاده ائدیلیب.
قاییغین ایسپانیانین نظارتینده‌کی قناری آدا‌لارینا گئتمک اوچون سنگال-ین تیس شهریندن یولا دوشدوگو بیلدیریلیب.
خاطیرلاداق کی، مراکش ایچ ایشلر ناظیرلیگی ژوئن آییندا وئردیگی آچیقلامادا ایلین ایلک 5 آییندا 25 مین 519 غیریی-قانونی کوچمن جهدی‌نین قارشی‌سی‌نین آلیندیغینی و 3 مین 150 غیری-قانونی کوچمنین خلاص ائدیلدیگینی آچیقلاییب.
مراکش آوروپا ساحل‌لرینه یاخین جغرافی موضعینه گؤره غیری-قانونی کوچمن لرین سیخ ترانزیت منطقه‌سی کیمی ایستیفاده ائتدیگی بؤلگه‌لر آراسیندا‌دیر.
