سون یئددی آیدا 175 میندن چوخ اینسان آلمانیایا سیغینا‌جاق اوچون مراجعت ائدیب

آلمانیادا ژانویه- جولای آیلاریندا 175 مین 272 نفر سیغینا‌جاق اوچون مراجعت ائدیب.

فدرال کوچ و قاچقین‌لار ایداره‌سی‌نین آچیقلاماسینا گؤره، 2023-جو ایلین ژانویه – جولای آیلاریندا آلمانیایا سیغینا‌جاق آختاران‌لارین سایی اوولکی ایلین عینی دؤورو ایله موقاییسه‌ده 78،1 فایز آرتیب.

بو ایلین ژانویه- جولای دؤورونده سیغینا‌جاق اوچون 175 مین 272 نفر مراجعت ائتدیگی حالدا، بو مراجعت‌لرین 13 مین 808-ی آلمانیادا دوغولان 1 یاشا قدر اوشاق‌لار اوچون ائدیلیب.

سیغینا‌جاق مراجعت‌لرینده بیرینجی یئری 51 مین 692 نفرله سوریه-لیلر، ایکینجی یئری ایسه 31 مین 334 نفرله افغان‌لار توتوب.

بو ایل فدرال کوچ و قاچقین‌لار ایداره‌سی‌ 153 مین 912 سیغینا‌جاق مراجعتینی آراشدیریب، اونلاردان 51،7 فایزینه قاچقین ایستاتوسو وئریلیب.

2022-جی ایلین ژانویه – جولای آیلاریندا اؤلکه‌دن سیغینا‌جاق اوچون مراجعت ائدن‌لرین سایی 98 مین 395 نفر اولوب.