آوروپا، تورکیه و بمت-نین گؤستردیگی سعی‌لری دستکلمه‌یه داوام ائدجک
آوروپا بیرلیگی تورکیه و بمت-نین تاخیل سازیشی ایله باغلی گؤستردیگی سعی‌لری دستکلمه‌یه داوام ائدجک.
آوروپا بیرلیگی‌نین خاریجی علاقه‌لر و تهلوکه‌سیزلیک سیاستی عالی نوماینده‌سی جوزپ بورل بیان ائدیب کی، آوروپا بیرلیگی، تورکیه و بیرلشمیش میللت‌لر تشکیلاتی‌نین (بمت) قارا دنیز تاخیل سازیشینی داوام ائتدیرمک اوچون گؤستردیگی سعی‌لری دستکلمه‌یه داوام ائده‌جک.
بو باره‌ده جوزپ بورل رسمی توییتر صحیفه‌سینده پای‌لاشیم ائدیب.
"روسیا ارزاق‌دان سلاح کیمی ایستیفاده ائتمگی دایاندیرما‌لی‌دیر. بیز روسیانی قارا دنیز تاخیل سازیشینه قاییتماسینی تامین ائتمه‌لییک، دئیه آوروپا بیرلیگی‌نین خاریجی علاقه‌لر و تهلوکه‌سیزلیک سیاستی عالی نوماینده‌سی پای‌لاشیمیندا قئید ائدیب.
جوزپ بورل اینگیلتره‌نین گاردین قزئتی اوچون قلمه آلدیغی مقاله‌ده روسیانین کئچن آی راضیلاشما‌دان چیخماسی‌نین بوغدا و قارغیدا‌لی قیمت‌لرینده آنی آرتیما سبب اولدوغونا دقت چکیب.
جوزپ بورل بیلدیریب کی، روسیا موقاویله‌دن چیخدیقدان سونرا اوکراینانین تاخیل انبارلارینی و لیمان آلت یاپی لارینی هدف آلیب.
جوزپ بورل دئییب: "بیز تورکیه و بیرلشمیش میللت‌لر تشکیلاتی‌نین قارا دنیز تاخیل سازیشینی داوام ائتدیرمک اوچون گؤستردیگی سعی‌لری دستکلمه‌یه داوام ائدجییک.
2022-جی ایلین 24 فوریه تاریخینده باشلایان روسیا-اوکراینا محاربه‌سی‌نین قلوبال ارزاق قیمت‌لرینه تأثیرینی آزالتماق اوچون 2022-جی ایلین 22 جولای تاریخینده بیرلشمیش میللت‌لر تشکیلاتی (بمت)، روسیا، تورکیه و اوکراینا آراسیندا قارا دنیز تاخیل دهلیزی سازیشی ایمضالانیب.
روسیا پرزیدنتی‌نین سؤزچوسو دیمیتری پسکوو جولای‌ین 17-ده مدتی باشا چاتمیش موقاویله ایله باغلی آچیقلاما وئریب.
"تاخیل سازیشی فاکتیکی اولا‌راق دایاندیریلیب. مووافیق شرط‌لر یئرینه یئتیریلدیک‌دن سونرا روسیا درحال تاخیل سازیشی ایله باغلی سؤودلشمه‌یه قاییدا‌جاق. سازیشین روسیا ایله باغلی حیسه‌سی یئرینه یئتیریلمه‌ییب"،-دئیه دمیتری پسکوو قئید ائدیب.
ایلگیلی‌لی خبرلر
آنتونی بلینکن چین-لی همکاری وانگ یی ایله گؤروشوب
امریکانین خاریجی ایشلر ناظیری آنتونی بلینکن چینه رسمی سفری چرچیوه‌سینده همکاری وانگ یی ایله گؤروشوب.
