واگنر ساواشچیلاری بلاروسدا
"اؤزوموزو اوتاندیرماق مجبوریتینده قالمایاجاغیمیزدان آرخایین اولدوغوموزدا بلکه ده (اوکرایناداکی) اؤزل عسگری عملیاتا گئری دؤنریک"
روس اؤزل گوونلیک شیرکتی واگنرین قوروجوسو یوگنی پریگوژین، موزدلو ساواشچیلارینین بلاروس تورپاقلارینا گئتدیگینی بیلدیردی.
واگنره عایید سوسیال مئدیا حسابلاریندا یاییملانان ویدئوداکی گؤرونتو و سسلره گؤره، پریگوژین، بیرلیکلرینه دانیشدی.
واگنرین قوروجولاریندان دمیتری اوتکین ده بیرلیکلره خیطاب ائتدی.
بلاروس تورپاقلارینا گئتدیگی اوچون ساواشچیلارینی تبریک ائدن پریگوژین، "شرفلی بیر شکیلده ساواشدیق، روسیا اوچون چوخ شئی ائتدینیز. ایندی جبههده اولانلار، اورایا قاتیلمامیزا گرک اولمایان بیر اوتانجدیر. اؤزوموزو تام اولاراق اثبات ائدهبیلهجگیمیز زامانی گؤزلهمک اوچون ده بیر مدت بلاروسدا اولمامیزا قرار وئریلدی" ایفادهلرینی ایشلتدی.
بلاروسدا ایکن بو اؤلکهنین اوردوسونو "دونیانین ایکینجی اوردوسو" ائتمه سؤزو وئرهن پریگوژین، لازیم اولسا اونلارین یانیندا یئر آلاجاقلارینی دیله گتیردی.
پریگوژین، تعلیم و آرتان تجروبهلری سونراسیندا واگنر پوللو ساواشچیلارینین آفریقایا یئنی بیر یولا گئدهجکلرینی ایفاده ائدرک، "اؤزوموزو اوتاندیرماق مجبوریتینده قالمایاجاغیمیزدان آرخایین اولدوغوموزدا بلکه ده (اوکرایناداکی) اؤزل عسگری عملیاتا گئری دؤنریک" دئیه دانیشدی.
ایلگیلیلی خبرلر
کنیسهنی یاندیرماغا چالیشان شخص اؤلدورولدو
فرانسادا پلیس، بیر کنیسهنی یاندیرماغا چالیشدیغی ادعا ائدیلن شخصی اؤلدوردو
کنیا-دا داشقینلاردا 290-دان چوخ اینسان اؤلوب
کنیا-دا داشقینلاردا اؤلنلرین سایی 291-ا یوکسلیب، 75 نفر ایتکین دوشوب، داها 188 نفر یارالانیب.