هیندوستان-دا داشقین‌لار نتیجه‌سینده 100-دن چوخ آدام اؤلوب
هیندوستانین قوزیی ینده یاغیش‌لارین سبب اولدوغو داشقین‌لار و تورپاق سوروشمه‌لری نتیجه‌سینده 100-دن چوخ آدام اؤلوب.
هیندوستانین قوزیی ینده یاغیش‌لارین سبب اولدوغو داشقین‌لار و تورپاق سوروشمه‌لری نتیجه‌سینده 100-دن چوخ آدام اؤلوب.
بو باره‌ده " ایندیا تودی" کانا‌لی معلومات یاییب.
هیندوستانین قوزیی – دوغو بؤلگه‌لرینده لئیسان‌لار جولای‌ین 8-ده باشلاییب، ایکی عاملین - موسسون یاغیش‌لاری و آغ دنیزی بولگه سیندن رطوبت‌لی هاوا کوتله‌لری‌نین بیرلشمه‌سی نتیجه‌سینده باش وئریب. لئیسان‌لار دهلی، هیماچال پرادش، اوتاراکند، پنجاب، هاریان، راجستان ایالت لرینه، جامو و کشمیرین بیرلیک اراضی‌سینه یاغیب. چرشنبه گونون‌دن اعتباراً اوتاراکند ده گوجلو یاغیش‌لار داوام ائدیر.
طبیعی حادثه‌دن داها چوخ هیمالیا داغ‌لاری‌نین اتک‌لرینده یئرلشن هیماچال پرادش ایالتی ضرر چکیب. بورادا چوخ سایلی سوروشمه موشاهیده اولونوب، بیر چوخ یاشاییش منطقه‌لری سو آلتیندا قالیب. قوزیی ایالت لرینین داغلیق بؤلگه‌لرینده یول‌لارین فرسایشی و سو باسماسی سببیندن نقلیاتین حرکتی دایاندیریلیب، نتیجه‌ده 300-ا یاخین توریست هله ده داغ‌لاردا قالیب. عمومی‌لیکده طبیعی فلاکت نتیجه‌سینده ایالت ده 80-ا یاخین اینسان هلاک اولوب، یاغیش‌لار پراکتیکی اولا‌راق دایانیب، قورتارما و برپا ایشلری آپاریلیر.
