ایزی جت 2023-جو ایلین سپتامبرینا قدر 1700 اوچوشونو لغو ائتدی

بؤیوک بریتانیانین آپاریجی هاواجیلیک شیرکت‌لریندن بیری اولان ایزی جت 2023-جو ایلین سپتامبر آیینا قدر 1700 اوچوشونو لغو ائتمک قرارینا گلدی.

شیرکت‌دن وئریلن آچیقلامادا بو ایلین جولای، آوقوست و سپتامبر آیلاریندا پایتاخت لندون-‌داکی  گاتویک هاوا لیمانیندان ائدیلمه‌سی پلان‌لاش‌دیریلان 1700 اوچوشون لغو ائدیلدیگی بیلدیریلیر.

اوچوش‌لارین تاخیره سالینماسینا سبب کیمی آوروپا هاوا مکانیندا یوغونلوق و هاوا حرکتینه نظارت‌ده‌کی چتین‌لیک‌لر گؤستریلیب.

لغو‌لردن تأثیرلنن یولجولارین 95 فایزی‌نین باشقا اوچوش لارا کؤچورولوب.

قئید ائدک کی، داوام ائدن روسیا-اوکراینا محاربه‌سی ایله علاقه‌دار اوکراینا هاوا مکانی‌نین اوچوش‌لارا باغلانماسی سببیله بو یای هاوا یولو شیرکت‌لری چوخ چتین شرط‌لرله اوزلشیب.