اوشنگیت شیرکتی بوتون فعالیتلرینی دوردوردو
اوشنگیتین رسمی اینترنت صحیفهسیندن وئریلهن آچیقلامادا، بوتون کشف سفرلرینین و تیجاری فعالیتلرین آسقییا آلیندیغی بیلدیریلدی
تایتانیک گمیسینین داغینتیسینا دوغرو سفری سیراسیندا پاتلایان و ۵ نفرین اؤلومونه سبب اولان تایتان دنیزآلتیسینین صاحبی اوشنگیت شیرکتی، بوتون فعالیتلرینی دوردوردوغونو آچیقلادی.
اوشنگیتین رسمی اینترنت صحیفهسیندن وئریلهن آچیقلامادا، بوتون کشف سفرلرینین و تیجاری فعالیتلرین آسقییا آلیندیغی بیلدیریلدی.
آتلانتیک اوقیانوسونداکی تایتانیک گمیسینین داغینتیسینا ۱۸ ژوئنده توریستیک گزینتی تشکیل ائدن اوشنگیت آدلی شیرکته عاید تایتان دنیزآلتیسی پاتلایاراق باتمیش، ایچیندهکی ۵ نفر حیاتینی ایتیرمیشدی.
تایتانا عاید داغینتینین ایلک پارچالاری، کانادانین سینت جانز لیمانیندا توپلانماغا باشلانمیش، قالدیراجلارلا گمیدن ائندیریلهن پارچالارین پلاستیک قورویوجو اؤرتمهلرله محافظه آلتینا آلیندیغی گؤرولموشدو.
تایتانین سطحه چیخاریلان ایلک پارچالاریندا اینسان قالیغی تاپیلمیشدی.
آمریکا بیرلشمیش دؤولتلری و کانادا، تایتان دنیزآلتیسینین پاتلاماسییلا باغلی ۲۴ ژوئنده سوروشدورما باشلاتمیشدی.