بیرلشمیش میللتلردن اسرائیله تپکی
"سالدیرینین وطنداشلار اوزریندهکی تأثیری قایغی وئریجی سویهده"
بیرلشمیش میللتلر، اسرائیلین اردن چایینین باتی ساحلینین جنین شهرینه قارشی سالدیریسینین وطنداشلار اوزریندهکی تأثیرینین "قایغی وئریجی" اولدوغونو بیلدیردی.
بیرلشمیش میللتلر سؤزچو کؤمکچیسی فرهان حق، گوندهلیک مطبوعات کنفرانسیندا بو قونویا باغلی آچیقلاما وئردی.
بیرلشمیش میللتلر اینسانی ایشلر کووردیناسیون اوفیسیندن بیر قروپون جنینه گئتدیگینی و اورتاقلارلا جنین سیغینماچی دوشرگهسیندهکی اینسانی کؤمک احتیاجلارینی معین ائتمهیه چالیشدیقلارینی بیلدیرن حق، الکتریک ایله سو آلت یاپیسینین تعمیری ایله سیغینما ایمکانلاری تامین ائتمهنین قروپون اؤنجهلیکلری آراسیندا یئر آلاجاغینی دیله گتیردی.
حق، بیرلشمیش میللتلرین وطنداش جان ایتکیسی و یارالانمالاردان درین قایغی دویدوغونو ایفاده ائدرک،
"سالدیرینین وطنداشلار اوزریندهکی تأثیری قایغی وئریجی سویهده" شکلینده دانیشدی.
بیرلشمیش میللتلرین بیر چوخ دفعه سیویل آلت یاپی و وطنداشلارین قالابالیق اولاراق اولدوغو یئرلهشیم یئرلرینه سالدیری تشکیل ائدیلمهمهسی لازیم اولدوغو قونوسوندا اویاردیغینی خاطیرلادان حق،
"آنجاق سیویل آلت یاپی و خستهخانالارین هدف آلیندیغی بیلگیلری وار" دئدی.
حق، اسرائیلین بیرلشمیش میللتلره سالدیری اؤنجهسینده بیلگی یا دا خبر وئرمهدیگینه ایشاره ائدرک،
"تأسف کی، سالدیری قارشیسیندا چوخ تعجبلنمهدیگیمیزی سؤیلهیهبیلریک چونکو بنزر شدتین گئچمیشده بیر چوخ نومونهسی وار" ایفادهلرینی ایشلتدی.
اسرائیل اوردوسو، ۳ جولای بازار ائرتهسی گئجه ساعاتلاریندا جنین شهری ایله جنین سیغینماچی دوشرگهسینه باسقین تشکیل ائتمیش و بؤلگهنی محاصره آلتینا آلمیشدی.
اسرائیل گوجلرینین هاوادان و قورودان تخمیناً ۴۸ ساعات داوام ائدن سالدیریلاریندا ۴و اوشاق ۱۲ فیلیسطینلی اؤلدورولموش، ۲۰سی آغیر اولماق اوزره تخمیناً ۱۲۰ نفر یارالانمیشدی.
اؤته یاندان، آلمانیانین باشکندی بئرلین و اینگیلترهنین باشکندی لندنده اسرائیل گوجلرینین ایشغال آلتینداکی اردن چایینین باتی ساحلینین قوزئییندهکی جنین شهرینه تشکیل ائتدیگی باسقین و سالدیریلار اعتراض ائدیلدی.