2023 -جو ایل حج زیارتی باشلاییر
2023-جو ایل حج زیارتینده 2،6 میلیون زووار ایشتیراک ائده‌جک.
بو باره‌ده ژورنالیست‌لره سعودی عربیستانی‌نین ایکی مقدس مسجید ایشلری اوزره ریاست هئیتی‌نین صدری عبدالرحمن السدیس معلومات وئریب.
2023-جو ایل حج زیارتینده 2،6 میلیون زووار ایشتیراک ائده‌جک. بو باره‌ده ژورنالیست‌لره سعودی عربیستانی‌نین ایکی مقدس مسجید ایشلری اوزره ریاست هئیتی‌نین صدری عبدالرحمن السدیس معلومات وئریب.
" سعودی پرس" اینفورماسیون آژانسی‌نین یازدیغینا گؤره، سعودی عربیستانی قارشی‌دان گلن حج مؤوسومو عرفه سینده ان بؤیوک عملیات پلانینی آچیقلاییب.
"کووید-19" پاندمیسی‌نین باشلانماسیندان بری ایلک دفعه اولا‌راق زووارلارین سایینا قویولان محدودیت‌لر آرا‌دان قالدیریلیب.
بو ایل حج زیارتینده ایشتیراک ائدجگی گؤزلنیلن میلیون‌لارلا زووارلارا کؤمک ائتمک اوچون رکورد سایدا - 14 مین هئیت عضوو، ائله‌جه ده 8 میندن چوخ کؤنول‌لو فعالیت گؤستره‌جک.
سعودی عربیستانی‌نین مقدس مکه شهرینه حج زیارتی ژوئن‌ین 26-دان باش‌لانا‌جاق.
عبدالرحمن السدیس‌ین سؤیله‌دیگینه گؤره، مکه-ده‌کی مسجد الحرام و مدینه-ده‌کی النبی مسجیدینده عمومی‌لیکده 300 مین نسخه قرآن پای‌لانا‌جاق. ترجمه خیدمت‌لری و بلدچی‌لر دونیانین هر یئریندن گلن میلیون‌لارلا اینسانی احاته ائتمک اوچون 51 دیلده یاییم‌لانان سایت‌لاردا خیدمت گؤستره‌جک‌لر. بونونلا یاناشی، حج زیارتی زامانی قرآن تلاوتی سمینارلاری دا تشکیل اولونا‌جاق.
حج زیارتی‌نین تشکیلاتچی‌لاری ایکی مقدس مسجیدده 40 میلیون لیتر زمزم سویونو پایلاماق اوچون 30 میندن چوخ منطقه یارادیب و هر گون زووارلارا ان آزی ایکی میلیون شوشه تقدیم ائدیله‌جک.
سایت‌لارداکی موبایل پروقرام‌لار و ربات لار دا داخیل اولماقلا، زووارلارین عمومی تجروبه‌سینی آرتیرماق مقصدیله دیجیتال تکنولوزی لردن ایستیفاده اولونا‌جاق.
