بایدن تؤره‌ن سیراسیندا یئره دوشدو
بایدنین یئرینه اوتورماق اوزره قاییتدیغی سیرادا صحنه‌ده آیاغی سوروشه‌رک دیزلرینین اوزرینه دوشدوگو گؤرولدو
آمریکا بیرلشمیش دؤولتلری باشقانی جو بایدن، آمریکا هاوا گوجلری آکادمیسی اؤیرنجیلرینین ماذونیت مراسیمین‌ده صحنه‌ده یئره دوشدو.
بایدن، کلورادوداکی آمریکا هاوا گوجلری آکادمیسی اؤیرنجلری اوچون تشکیل ائدیله‌ن ماذونیت مراسیمین‌ده ائتدیگی دانیشمانین آردین‌دان اؤیرنجیلره دیپلوملارینی وئردیک‌دن سونرا صحنه‌ده آیاغی ایلیشه‌رک تعادلونو ایتیردی و یئره دوشدو.
اؤیرنجیلر، عائله‌لری و عسگری لیدئرلرین اولدوغو فعالیت‌ده بیر اؤیرنجییه دیپلومونو وئردیک‌دن سونرا بایدنین یئرینه اوتورماق اوزره قاییتدیغی سیرادا صحنه‌ده آیاغی سوروشه‌رک دیزلرینین اوزرینه دوشدوگو گؤرولدو.
بایدن، قورومالاری و صحنه‌ده‌کی هاوا گوجلری سوبایینین کؤمگی ایله آیاغا قالخدی. آیاغا قالخدیقدان سونرا یئرده دوران بیر شئیه ایشاره ائد‌ن بایدنین آیاغینین اورایا ایلیشدیگینی ایهام ائتدیگی گؤرولور.
آغ ائوده‌ن ۸۰ یاشین‌داکی بایدنین وضعیتی ایله باغلی هله رسمی بیر آچیقلاما ائدیلمه‌دی.
آغ ائو ارتباط مسئولو من لابولت، توییتردن ائتدیگی پایلاشیمدا، بایدنین یاخشی اولدوغونو و باشقانین ال وئردیگی سیرادا صحنه‌ده بیر قوم تورباسی اولدوغونو بیلدیردی.
