ترک ائدیلمیش یوک ماشینیندا یوزلرله قاچقین
مکزیکانین وراکروز ایالتینده ترک ائدیلمیش یوک ماشینینین آرخاسیندا 209 غیری-قانونی کوچمن تاپیلدی.
![ترک ائدیلمیش یوک ماشینیندا یوزلرله قاچقین](http://cdn.trt.net.tr/images/xlarge/rectangle/6bc2/efb8/4f22/6438f1298ecef.jpg?time=1718365490)
مکزیکانین وراکروز ایالتینده ترک ائدیلمیش یوک ماشینینین آرخاسیندا 209 غیری-قانونی کوچمن تاپیلدی.
مکزیکانین کوچ ایدارهسینین (INM) وئردیگی معلوماتا گؤره، ایالتین نووو تیپا شهرینده یوک ماشینیندا چوخلو سایدا مهاجر آشکار ائدیلیب.
یوک ماشییندان ائشیدیلن قیشقیریق سسلریندن سونرا تهلوکهسیزلیک قوهلری طرفیندن 209 غیری-قانونی کوچمن خلاص اولونوب.
مهاجرلرین گواتمالا، السالوادور، اکوادور و هندوراسدان اولدوغو بیلدیریلیب.
آرالاریندا کیچیک اوشاقلار دا اولان 23 کوچمن سوسوزلوق و اکسیژن چاتیشمازلیغی شیکایتلری ایله خستهخانایا یئرلشدیریلیب.
قئید ائدک کی، 2022-جی ایلده امریکا سرحدینی غیری -قانونی کئچمهیه جهد ائدرکن توتولان کوچمن لرین سایی 2،76 میلیون نفردیر.
مکزیکا یئتکیلیلرینین معلوماتلارینا گؤره، اؤلکهده 8،76 میلیون سندسیز کوچمنین یاشادیغی دوشونولور.
ایلگیلیلی خبرلر
کالیفورنیا ایالتینده اوچاق قضاسی
تک محریکلی اوچاق کالیفورنیانین قوزئیینده داغلیق اراضیده قضایا اوغراییب