آمریکا ایرانا خسارت اؤده‌یه‌جک
محکمه، آمریکانین ایرانا تطبیق ائتدیگی تحریملر، ایکی اؤلکه آراسیندا ۱۹۵۵.جی ایلده ایمضالانان آنلاشمانی پوزدوغو سببی ایله ایرانا خسارت اؤد‌مه‌سینه حؤکم ائتدی
اولوسلارآراسی عدالت، آمریکا بیرلشمیش دؤولتلرینین ایرانا خسارت اؤد‌مه‌سینه قرار وئررکه‌ن، تهران رهبرلیگینین، ایران مرکز بانکینین دوندورولموش تخمیناً ۲ میلیارد دلار مال وارلیغینین سربست بوراخیلماسی طلبینی رد ائتدی.
اولوسلارآراسی عدالت دیوانی، ایران و آمریکا آراسین‌داکی ادعادا قرارینی آچیقلادی.
محکمه، آمریکانین ایران رهبرلیگینه تطبیق ائتدیگی تحریملر ایکی اؤلکه آراسیندا ۱۹۵۵.جی ایلده ایمضالانان "دوستلوق، اقتصادی ایلیشکیلر و کونسوللوق حقوقو" آنلاشماسینی پوزدوغو سببی ایله ایرانا خسارت اؤد‌مه‌سینه حؤکم ائتدی.
محکمه، طرفلرین خسارت میقدارین‌دا ۲۴ آی ایچریسین‌ده آنلاشمایا وارماماسی دورووندا قونونو تکراردان اله آلاجاغینی آچیقلادی.
محکمه، تهران رهبرلیگینین ایران مرکز بانکینین دوندورولموش تخمیناً ۲ میلیارد دلارلیق مال وارلیغینین سربست بوراخیلماسی طلبینی ایسه رد ائتدی.
آمریکا رهبرلیگی طرفیندن ائدیله‌ن اعتراضی قبول ائد‌ن محکمه، ایکی اؤلکه آراسیندا ایمضالانان "دوستلوق، اقتصادی ایلیشکیلر و کونسوللوق حقوقو" آنلاشماسینین مرکز بانکلارین‌داکی مال وارلیقلارینی احاطه ائتمه‌دیگینه حؤکم ائتدی.
آمریکا، ۲۳ اوکتبر ۱۹۸۳-جو ایلده ایرانین، لبنان‌دا اولان آمریکا عسگری مرکزینه قارشی تشکیل ائدیله‌ن بومبالی سالدیرینین مسئولو اولدوغونو ادعا ائتمیشدی. آردیندان آمریکا، ایران مرکز بانکینا عاید تخمیناً ۲ میلیارد دلار مال وارلیغینی سالدیریدا حیاتینی ایتیره‌ن ۲۴۱ آمریکا دنیزچینین یاخینلارینا خسارت اولاراق اؤدنه‌جگی سببی ایله دوندورموشدو.
