ایرینی عملیاتین مدتی 2 ایل ده اوزادیلدی

آوروپا بیرلیگی آغ دنیزینده لیبیا-یا قارشی سلاح تحریمینه نظارت بهانه‌سی ایله حیاتا کئچیردیگی موباحیثه‌لی ایرینی عملیاتی‌نین مانداتینی 31 مارس 2025-جی ایله قدر اوزادیب.

آوروپا شوراسی ایرینی عملیاتی‌نین اوزادیلماسی قراری‌نین مسئله ایله باغلی استراتژی قیمتلندیرمه‌دن سونرا وئریلدیگینی آچیقلاییب. معلوماتدا بیلدیریلیر: "عملیاتدا اله کئچیریلن سلاح- مهمات ماتریال‌لاری‌نین محو ائدیلمه‌سی‌نین داها دا آسانلاشدیریلماسینا قرار وئریلدی. 1 آوریل 2023 - 31 مارس 2025-جی ایل تاریخ‌لری آراسیندا گئرچک‌لشن ایرینی عملیاتی‌نین دیری 19 میلیون 921 مین یورودور."

قئید ائدک کی، عملیاتین مانداتی 2023-جو ایل مارسین 31-ده باشا چاتیب. قبول ائدیلن سون قرارلا بو ایجازه مدتی داها 2 ایل اوزادیلدی.

31 مارس 2020-جی ایلده لیبیا ایله باغلی برلین کنفرانسیندان سونرا باشلایان بو عملیات بیرلشمیش میللت‌لر تشکیلاتی‌نین لیبیا سلاح تحریمینه نظارت ائتمک اوچون آوروپا بیرلیگی-نین آغ دنیزینده باشلاتدیغی موباحیثه‌لی بیر عملیات‌دیر.

بمت تهلوکه‌سیزلیک شوراسی‌نین 2292 سایلی قطعنامه سینده قانونی حکومت اولا‌راق یئر آلان لیبیا میللی باریشیق حکومتی ایله مصلحت لشمه و ایجازه‌نین مجبوری اولماسینا باخمایا‌راق، باشلادیلان ایرینی عملیاتی غرضلی و غیری-قانونی بیر عملیات اولا‌راق تنقید ائدیلیر. بعضی آوروپا اؤلکه‌لری آوروپا بیرلیگی فوندلاریندان‌ فایدالانماق اوچون عملیاتا سس‌سیز قالیر، جسارت‌لی اؤلکه‌لر ایسه اعتراض ائده‌رک عملیات‌دان گئری چکیلیرلر.