جو بایدن و ریشی سوناک آراسیندا ایکی طرفلی گؤروش کئچیریلیب
امریکا پرزیدنتی جو بایدن و اینگیلترهنین باش ناظیری ریشی سوناک اوکراینایا وئریلن دستکله چین مسئلهلرینی، ائلهجه ده اقتصادی و ساوونما ساحهسینده امکداشلیغی موذاکیره ائدیبلر.
امریکا پرزیدنتی جو بایدن و اینگیلترهنین باش ناظیری ریشی سوناک اوکراینایا وئریلن دستکله چین مسئلهلرینی، ائلهجه ده اقتصادی و ساوونما ساحهسینده امکداشلیغی موذاکیره ائدیبلر.
جو بایدن آوسترالیانین آتوم سوآلتی قاییغینا صاحیب اولماسینی و آتوم سوآلتی قاییقلاریندا ایستیفاده ائدیلن تکنولوژینین پایلاشیلماسینی احتیوا ائدن "آکوس" راضیلاشماسی چرچیوهسینده کالیفرنیانین سن دیگو شهرینده اینگیلتره باش ناظیری سوناک ایله ایکی طرفلی گؤروش کئچیریب.
آغ ائودن وئریلن یازیلی آچیقلامادا بایدن و سوناکین "آکوس"طرفداشلیغی و یاخین ساوونما امکداشلیغی واسیطهسیله بولگهسل تهلوکسیزلیگین یاخشیلاشدیریلماسینا صادق اولدوقلارینین وورغولاندیغی قئید ائدیلیب.
لیدرلر چین-ین چاغیریشلاری و هیند-ساکیت اقیانوس تهلوکهسیزلیگی ده داخیل اولماقلا بیر سیرا قلوبال پروبلئملر اطرافیندا فیکیر موبادیلهسی آپاریب، تهلوکهسیزلیک، اوکراینایا اقتصادی و حربی یاردیم، موسکوایا قارشی اقتصادی تحریم لری موذاکیره ائدیبلر.
گؤروشده امریکا و اینگیلتره آراسینداکی اقتصادی علاقهلرین ده موذاکیره ائدیلدیگی بیلدیریلن آچیقلامادا بایدنین سوناکی ژوئن آییندا واشینگتونا دعوت ائتدیگی بیلدیریلیب.
جو بایدن آوسترالیانین باش ناظیری آنتونی آلبانیز ایله ده ایکی طرفلی گؤروش کئچیریب.
ایکی لیدر هیند-ساکیت اقیانوس ثابتلیگی و تهلوکهسیزلیگی اوچون آتیلان آددیملاری موذاکیره ائدیبلر.
بایدن امریکا و آوسترالیا آراسیندا گوجلو ایکی طرفلی علاقهلری و تهلوکهسیزلیک اتفاقینی بیر داها تصدیقلهییب.
لیدرلر آوکوس طرفداشلیغی و داواملی ساوونما امکداشلیغی واسیطهسیله بولگه سل تهلوکسیزلیگین تشویقینه دایر اورتاق عهده لیک لرینی وورغولاییبلار.
ایلگیلیلی خبرلر
ایسپانیانین باش ناظیری ایستعفا وئرمهیهجگینی آچیقلاییب
ایسپانیانین باش ناظیری پدرو سانچز اؤز وظیفهسینده قالاجاغینی آچیقلاییب.