فنلاند پلیسی پکاکا دستکچیلرینه قارشی سوروشدورما باشلاتدی
بؤلوجو ترور هؤرگوتو پکاکا دستکچیلرینین تۆرکیهنین هلسینکی ائلچیلیگی یاخینیندا تشکیل ائتدیگی تخریبات ایله باغلی سوروشدورما باشلادیلدی
فنلاند پلیسی، هفته سونو بؤلوجو ترور هؤرگوتو پکاکا دستکچیلرینین تۆرکیهنین هلسینکی ائلچیلیگی یاخینیندا تشکیل ائتدیگی تخریبات ایله باغلی سوروشدورما باشلاتدی.
تۆرکیهنین هلسینکی ائلچیلیگیندن وئریلهن آچیقلامادا، پلیسین، بازار گونو ائلچیلیک بیناسی یاخینیندا میدانا گلن حادثه ایله اباغلی سوروشدورما باشلاتدیغی، گۆونلیک مقاملاریندان آیرینتیلی راپور طلب ائدیلدیگی ایفاده ائدیلدی.
فنلاند مطبوعاتیندا چیخان خبرلره گؤره ده، ترور هؤرگوتو پکاکا دستکچیلری، ۲۶ فوریهده تۆرکیهنین هلسینکی ائلچیلیگی یاخینیندا جمهورباشقانی رجب طیب اردوغانا عاید اولدوغو ادعا ائدیلهن بیر فوتوگرافی یاندیردی.
تخمیناً ۲۰ نفردن اولوشان و ماسک تاخان ترور هؤرگوتو دستکچیلرینین، اؤنجهسینده پلیسه بیلدیرمهدیگی، ائلچیلیک یاخینیندا گؤزلهیهن گۆونلیک گوجلرینین دیقتی ایله تخریبات تؤرهدنلره موداخیله ائدیلدیگی ایفاده ائدیلدی.
ایکیسی فنلاندلی دیگرلری خاریجی دؤرد نفرین رسمی گؤرهولیلره مقاومت، ساتلاشما و تحقیر شوبههسی ایله گؤزآلتینا آلیندیغی، داها سونرا سربست بوراخیلدیغی ایفاده ائدیلدی.