چین: بؤلگه‌سل باریشی تهدید ائدیر
چین، آمریکانین حربی کشف اوچاغینین تایوان بوغازیندان گئچیشینی قینادی
چین، آمریکا بیرلشمیش دؤولتلری دونانماسینا عاید حربی کشف اوچاغینین تایوان بوغازیندان گئچیشینی قینایاراق، فعالیتین "بؤلگه‌سل باریش و ثابتلیگی تهدید ائتدیگینی" بیلدیردی.
چین خالق قورتولوش اوردوسو دوغو جبهه‌سیندن وئریله‌ن آچیقلامادا،
"پ-۸ا پوسیدون" تیپی دنیزآلتی‌سووار اوچاغینین بوغازین اوزرینده اوچدوغو، حربی بیرلیکلرین اوچاغی معین ائد‌رک ایزله‌دیگی ایفاده ائدیلدی.
آچیقلامادا، اوچوشون، "بؤلگه‌سل دوروما ضرر وئردیگی"، "تایوان بوغازیندا باریش و ثابتلیگی تهلوکه‌یه آتدیغی" ایفاده ائدیلدی.
چین اوردوسونون حاضیر دورومدا اولدوغونون وورغولاندیغی آچیقلامادا، "میللی اگمنلیک و تورپاق بوتونلوگونو قرارلیلیقلا مدافعه ائدجگی" قید ائدیلدی.
تایوان آداسی و تایوان بوغازینی اؤز اگمنلیک ساحه‌سی گؤره‌ن چین، آمریکا بیرلشمیش دؤولتلریین بؤلگه‌ده‌کی عسگری وارلیغینا قارشی چیخیر. آمریکا بیرلشمیش دؤولتلری دونانماسینین بؤلگه‌ده‌کی حرکت و کشف فعالیتلری ایکی اؤلکه آراسیندا گرگینلیگه سبب اولور.
