پرایس: تورکیه اوچون الیمیزدن گله‌نی ائده‌جییک
«عینی تورکیه‌نین گئچمیشده بیر چوخ اؤلکه‌یه اینسانی یاردیم و قورتارما اوزمانلاری گؤندردیگی کیمی، بیز ده بو تورکیه‌یه کؤمک ائتمک اوچون کۆره‌سل چابالارا قوشولماقدان غورور دویوروق»
آمریکا بیرلشمیش دؤولتلری خارجی ایشلر باخانی سؤزچوسو ند پرایس، ۶ فوریه‌ده قهرمان ماراش مرکزلی زلزله‌لرین سون عصرده گؤرولن ان شدتلی زلزله‌لر اولدوغونو سؤیله‌دی.
پرایس، گونده‌لیک مطبوعات کنفرانسیندا «عصرین فلاکتی» زلزله‌لر‌ده حیاتینی ایتیره‌نلر اوچون باش‌ساغلیغی دیله‌دی.
آمریکا بیرلشمیش دؤولتلرینین تورکیه و سوریه خالقینا کؤمک ائتمک اوچون چالیشدیغینی بیلدیره‌ن پرایس، حیاتینی ایتیره‌نلر آراسیندا ۳ آمریکا بیرلشمیش دؤولتلری وطنداشینین اولدوغونو بیلدیردی.
سؤزچو، "بو زلزله یۆزایلین ان شدتلی زلزله‌لرین‌دن بیری ایدی و بوندان ضرر گؤرن قوربانلارا، ساغ قالانلارا، قورتارما اکیپلرینه، یاردیم اکیپلرینه، عائله‌لره، قونشوو یولداشلارینا باش‌ساغلیغی وئریریک" دئدی.
آمریکا بیرلشمیش دؤولتلرینین ۲۰۰ نفردن اولوشان یاردیم اکیبینین ساحه‌ده اولدوغونو ایفاده ائد‌ن پرایس، اکیبین ۷۷ تونلوق اؤزل تجهیزاتلا گئتدیگینی دیله گتیررک بونلاری دئدی:
«بوندان علاوه، بیز بتون قیران ماشینلار، ژنراتورلار، طبی لوازیم، چادیرلار، سو و سو آریتما سیستملری گؤندریریک. آمریکا بیرلشمیش دؤولتلری هلیکوپترلری، قورتارما پرسنلینی ییخیم سببی ایله گیریشی چتین اولان بؤلگه‌لره چاتدیریر. آیریجا بؤلگه‌یه یاردیم چابالاریما قاتیلمالارینی اومود ائتدیگیمیز علاوه دستک تجهیزاتینی دا بؤلگه‌دن اؤنجه‌دن یئرلشدیریریک».
پرایس، آمریکا بیرلشمیش دؤولتلرخارجی ایشلر باخانی آنتونی بلینکنین خاریجی ایشلر باخانی مؤولود چاووش‌اوغلو ایله تلفوندا دانیشدیغینی ایفاده ائد‌رک،
«عینی تورکیه‌نین گئچمیشده بیر چوخ اؤلکه‌یه اینسانی یاردیم و قورتارما اوزمانلاری گؤندردیگی کیمی، بیز ده بو تورکیه‌یه کؤمک ائتمک اوچون کۆره‌سل چابالارا قوشولماقدان غورور دویوروق». ایفاده‌لرینی ایشلتدی.
«تورکیه‌نین اورتایا قویدوغو احتیاجلاری قارشیلاماق اوچون الیمیزدن گله‌نی ائده‌جییک» دئیه‌ن پرایس، سوریه‌ده زلزله‌دن ضرر چکه‌نلره ده دستک وئرمه‌یه چالیشدیقلارینی بیلدیردی.
