هولاندیا اوکراینایا 1 میلیارد یورویا یاخین حربی یاردیم ائدیب

هولاندیانین اوکراینایا وئردیگی حربی یاردیمین عمومی دیری 987 میلیون یورویا چاتیب.

بو باره‌ده هولاندیانین ساوونما ناظیری کایسا اولونگرن بیلدیریب.

اونون سؤزلرینه گؤره، مووافیق مبلغه آوا‌دان‌لیق اوچون 697 میلیون یورو، 120 میلیون یورو حربی یاردیم پاکتی و اوکراینا اولوسلار آراسی فوندونا 100 میلیون یورو تحفه داخیل‌دیر.

بون‌دان علاوه، هولاندیا دا ناتو-نون اوکراینایا حربی دستک فوندونا 25 میلیون یورو آییرا‌جاق. بو فوند یانا‌جاق، گئییم و داوالارین آلینماسی اوچون نظرده توتولوب.

ساوونما ناظیری اونو دا قئید ائدیب کی، بو محاربه‌نین سونو هله گؤرونمور و قیش اولماسینا باخمایا‌راق روسیا اوکراینانین آلت یاپیسینا و انرژی تجهیزاتینا هاوا‌دان ضربه‌لر ائندیرمکده داوام ائدیر:

"آنجاق اوکراینا کؤمک ایله دؤزه بیلر"، - ساوونما ناظیری دئییب.