آوروپا پارلمانینا سایبری سالدیری

آوروپا پارلمانی باشقانی روبرتا متسولا، آوروپا پارلمانینین روسیانی "ترورو دستکله‌یه‌ن اؤلکه" اعلان ائتمه‌سیندن سونرا سایبری سالدیرییا معروض قالدیغینی آچیقلادی.

روبرتا متسولا توییتر حسابیندان یاییملادیغی آچیقلامادا،

"آوروپا پارلمانی، چوخ گلیشمیش بیر سایبری سالدیری آلتیندا. کرملین یؤنوملو بیر قروپ سالدیرینین مسئولیتی اۆستلندی" ایفاده‌لرینی ایشلتدی.

بیلیشیم (انفورماسیون) اوزمانلارینین سالدیرییلا موباریزه ائتدیگینی ایفاده ائد‌ن متسولا،

"بو، روسیانی ‘ترورو دستکله‌ین اؤلکه’ اعلان ائتمه‌میزدن سونرا باش وئردی" دئیه یازدی.

متسولا، "منیم جاوابیم بئله‌دیر: سلاوا اوکراینی (اوکراینایا ظفر)" پایلاشیمینی ائتدی.

فرانسانین استرازبورگ شهرینده گئچیریله‌ن آوروپا پارلمانی باش قورولوندا "غیر اینسانی و قدار حرکتلر" ائتدیگی اتهامی ایله روسیانی ‘ترورو دستکله‌ین اؤلکه’ اولاراق تانییان قرار لایحه‌سی، ۵۸ قارشی ۴۹۴ میللت وکیلینین اویو ایله قبول ائدیلمیشدی.