اندونزیا-دا زلزله نتیجهسینده اؤلنلرین سایی آرتیب
باتی جاوا والیسی ریدوان کامیل زلزلهده حیاتینی ایتیرنلرین سایینین 268-ا یوکسلدیگینی آچیقلاییب.
1909611
اندونزیانین باتی جاوا ایالتینده دونن باش وئرن 5،6 شدتینده زلزلهده اؤلنلرین سایی 268-ا یوکسلیب.
باتی جاوا والیسی ریدوان کامیل زلزلهده حیاتینی ایتیرنلرین سایینین 268-ا یوکسلدیگینی آچیقلاییب.
1083 آدامین یارالاندیغی زلزلهده 13 مین آدام دیدرگین دوشوب، 151 نفر ایتکیندیر، 2 مین 200 ائو داغیلیب.
بیلدیریلیب کی، آختاریش-قورتارما ایشلری داوام ائدرکن، ایتکی و یارالیلارین سایی آرتا بیلر.
خاطیرلاداق کی، اندونزیادا 2018-جی ایلده سولاوسی آداسیندا باش وئرن 7،5 شدتینده زلزله و سونراکی سونامی نتیجهسینده 2000-دن چوخ اینسان اؤلوب، 4000-دن چوخ اینسان یارالانیب.