آوروپا بیرلیگی 2023-جو ایل اوچون اوکراینایا یاردیم پاکتینی آچیقلاییب
آوروپا بیرلیگی کمیسیونو گلن ایل اوچون اوکراینایا آیدا 1،5 میلیارد یورو مبلغینده یاردیم پاکتی تکلیف ائدهجک.
آوروپا بیرلیگی کمیسیونو گلن ایل اوچون اوکراینایا آیدا 1،5 میلیارد یورو مبلغینده یاردیم پاکتی تکلیف ائدهجک.
آوروپا بیرلیگی کمیسیونوندان وئریلن یازیلی آچیقلامایا گؤره، کمیسیونون صدری اورسولا فون در لاین ایله اوکراینا پرزیدنتی ولودیمیر زلنسکی آراسیندا تلفون دانیشیغی اولوب.
ون در لاین بو هفته زلنسکییه 2023-جو ایل اوچون آیلیق 1،5 میلیارد یورو و عمومیلیکده 18 میلیارد یورو تشکیل ائدهجک مالیه پاکتینی تکلیف ائدجگینی بیلدیریب.
آوروپا بیرلیگی مالیه پاکتینین دیگر بؤیوک باغیشچیلارین اوخشار یاردیملاری ایله دستکلنمهلی اولدوغونا دقت چکن ون در لاین آوروپا بیرلیگی-نین خصوصیله قیش آیلاریندا اوکراینایا عاجیل اینسانی یاردیم گؤسترمه فعالیتلری اوچون سعیلرینی داوام ائتدیردیگینی دیله گتیریب.
اوکراینانین تاریم صادراتینین دونیایا چاتدیریلماسینین واجیبلیگینین وورغولاندیغی تلفون دانیشیغیندا بو چرچیوهده روسیا ایله قارا دنیز تاخیل تشببوسو ایله باغلی راضیلیغا گلمک سعیلرینه هرطرفلی دستک بیر داها وورغولانیب.
تلفون صحبتی زامانی موسکوایا قارشی تحریم لرین گوجلندیریلمهسی، ایرانین روسیایا دستکینه جاوابلار دا موذاکیره اولونوب.
ایلگیلیلی خبرلر
لندنده قیلینجلی سالدیری
الی قیلینجلی شخص، ایکیسی پلیس مأمورو اولماق اوزره ۵ نفری قیلینجییلا یارالادی