آوروپا بیرلیگیندن ایرانا چاغری

آوروپا بیرلیگی، ایرانی، اعتراضلاری یاتیرماق اوچون زوراکیلیق تطبیق ائتمه‌مه‌یه و خالقین اینترنت قوللانماسینا ایجازه وئرمه‌یه چاغیردی.

آوروپا بیرلیگینین خاریجی ایلیشکیلر و گوونلیک سیاستی یوکسک نماینده‌سی جوزپ بورل، ایران گوونلیک گوجلرینین گؤستریلره موداخیله‌سینین اورانتیسیز اولدوغونو، اؤلو و یارالیلار اولدوغونو بیلدیردی.

اینترنتین کسیلمه‌سی و مئساژلاشما پلتفورملارینین بلوکلانماسینین ایفاده اؤزگولوگونون پوزولماسی اولدوغونو قید ائد‌ن بورل، آوروپا بیرلیگی و آوروپا بیرلیگینه عضو اؤلکه‌لرین اعتراضچیلارا قارشی زوراکیلیق تطبیقینی قبول ائدیلمز و گؤردوکلرینی وورغولادب. بورل،

"ایرانین اعتراضلاری زوراکی‌لیقلا یاسدیرماغی عاجیل اولاراق دوردورماسینی و اینترنت ایله سربست بیلگی آخیشینی تامین ائتمه‌سینی گؤزله‌ییریک. آیریجا ایراندان اؤلدورولنلرین و ساخلانیلانلارین ساییسینی آچیقلاماسینی، خشونت گؤسترمه‌یه‌ن گؤستریچیلری بوراخماسینی و توتولانلارا اویغون رفتار گؤسترمه‌سینی گؤزله‌ییریک" ایفاده‌سینی ایشلتدی.

بو آرادا ایران بریتانیا و نروژین تهران‌داکی ائلچیلرینی باش وئره‌ن حادثه‌لرله باغلی خاریجی ایشلر باخانلیغینا چاغیردی.

ایران خاریجی ایشلر نباخانلیغیندان وئریله‌ن یازیلی آچیقلامادا، اینگیلتره ائلچیسی سیمون شرکلیفین اینگیلتره مرکزلی بی‌بی‌سی فارسجا و ایران اینترنشنال کاناللارینین ایران علیه‌ینه فعالیتلری ندنی ایله باخانلیغل چاغریلدیغی و لازیم اولان تپکینین گؤستریلدیگی قید ائدیلدی

نازیرباخانلیغین آچیقلاماسیندا، بو جور یایینلارین "ایرانین ایچ ایشلرینه قاریشماق" و "اؤلکه‌نین اولوسال اگمنلیگینی پوزماق" آنلامینا گلدیگی ایفاده ائدیلدی.

نروژین تهران‌داکی ائلچیسی سیگوالد هاگ ده اؤلکه‌سینین مجلیس باشقانینین ایران‌دا باش وئره‌ن سون حادثه‌لرله باغلی آچیقلامالارینا گؤره باخانلیغا چاغریلدی.