ایتالیا:"روسیا گازیندان آسیلی‌لیغی تامامیله آرا‌دان قالدیراجاغیق"
ایتالیانین باش ناظیری ماریو دراگی اؤلکه‌سی‌نین 2024-جو ایلین پاییزینا قدر روسیا طبیعی گازیندان آسیلی‌لیغی تامامیله آرا‌دان قالدیراجاغینی بیلدیریب.
ایتالیانین باش ناظیری ماریو دراگی اؤلکه‌سی‌نین 2024-جو ایلین پاییزینا قدر روسیا طبیعی گازیندان آسیلی‌لیغی تامامیله آرا‌دان قالدیراجاغینی بیلدیریب، بونون میللی تهلوکه‌سیزلیک اوچون اساس هدف اولدوغونو وورغولاییب. او قئید ائدیب کی، بونون اوچون ایتالیانین یئنی طبیعی گاز تجهیزاتی لاییحه‌لری‌نین نظرده توتولان مدتده تاماملانماسی واجیب‌دیر.
ماریو دراگی تدبیرده‌کی چیخیشیندا 24 فوریه‌دن بری داوام ائدن اوکراینا-روسیا محاربه‌سی ایله آرتان انرژی پروبلئمینه توخونوب.
او قئید ائدیب کی، ایتالیانین یئنی طبیعی گاز تجهیزاتی لاییحه‌لری نظرده توتولان مدتده تاماملانارسا، 2024-جو ایلین پاییزیندان اعتباراً اونلار روسیا گازیندان تامامیله موستقیل اولا‌جاق‌لار:
"بو، میللی تهلوکه‌سیزلیک اوچون أساس مقصددیر، چونکی روسیا طبیعی گازدان اوکراینا و اونون آوروپا‌لی متفیق‌لرینه قارشی ژئوسیاسی سلاح کیمی ایستیفاده ائتمک‌دن چکینمیر".
"الجزایردن آذربایجانا تداروکون آرتیریلماسی اوچون یئنی سازیش‌لر باغلادیق. اؤتن ایل طبیعی گاز وارداتیمیزین 40 فایزی روسیا‌دان اولوب. بو ایل اورتا حسابلا ایکی دفعه آزالیب"، -دئیه ماریو دراگی قئید ائدیب.
ایلگیلی‌لی خبرلر
آنتونی بلینکن چین-لی همکاری وانگ یی ایله گؤروشوب
امریکانین خاریجی ایشلر ناظیری آنتونی بلینکن چینه رسمی سفری چرچیوه‌سینده همکاری وانگ یی ایله گؤروشوب.
