پرایس: تۆرک متفیقلریمیزین غیرتلی چالیشمالارینی آلقیشلاییریق
آمریکا خاریجی ایشلر باخانلیغی سؤزچوسو، جمهورباشقانی رجب طیب اردوغان، اوکراینا، روسیا و بیرلشمیش میللتلر باش کاتیبی گوترشین ایستانبولدا ائدیلهجک تاخیل گؤندرمه آنلاشماسینین ایمضا مراسیمی ایله باغلی دانیشدی
آمریکا، تۆرکیهنین ائو صاحبلیگی ایله ایمضالاناجاق اولان اوکراینانین تاخیل گؤندرمه آنلاشماسینی آلقیشلادیقلارینی، بیرلشمیش میللتلر تشکیلاتی و تۆرکیهنین چابالارینی تقدیر ائتدیکلرینی آچیقلادی.
گوندهلیک مطبوعات کنفرانسیندا سواللاری جاوابلاندیران خاریجی ایشلر باخانلیغی سؤزچوسو ند پرایس، جمهورباشقانی رجب طیب اردوغان، اوکراینا، روسیا و بیرلشمیش میللتلر باش کاتیبی آنتونیو گوترشین ایستانبولدا ائدیلهجک تاخیل گؤندرمه آنلاشماسینین ایمضا مراسیمی ایله باغلی،
"بیز بو آنلاشمانی سئوینجله قارشیلاییریق. بیرلشمیش میللتلر باش کاتیبینین امهکلرینی تقدیر ائدیریک. تۆرک متفیقلریمیزین اورادا اورتایا قویدوغو غیرتلی چالیشمالاری آلقیشلاییریق" دئدی.
پرایس، بونون، تکجه آمریکانین دئییل، گ-۲۰ اؤلکهلرینین ده دستکلهدیگی آنلاشما اولدوغونو بیلدیردی.
روسیانی "ارزاق محصوللاریندان سلاح کیمی ایستیفاده ائتمکله" سوچلایان پرایس، آنلاشمانین حیاتا گئچیریلمهسینی صبیرسیزلیکله گؤزلهیهجکلرینی، آنجاق موسکوا یؤنهتیمینین ده تاخیلا تحریم تطبیقی ائتمکدن سوروملو اولدوغونو قید ائتدی.