سیآیای مودورو برنز: روسیا اوکراینا ساواشیندا ۱۵ مین عسگر ایتیردی
"آمریکا استخبارات توپلولوغونون ان سون تخمینلرینه گؤره، ۱۵ مین دولاییندا اؤلو و احتیمالاً بونون اوچ قاتی دا یارالی وار"
آمریکا مرکزی استخبارات تشکیلاتی (سیآیای) مودورو بیل برنز، روسیانین اوکراینا ساواشیندا ۱۵ مین عسگر ایتیردیگینی، اوکراینا اوردوسونون ایتکیلرینین ده بونا یاخین اولدوغونو سؤیلهدی.
برنز، کولورادودا تشکیل ائدیلن آسپن گۆونلیک فوروموندا دانیشدی.
برنز، روسیا درولت باشقانی ولادیمیر پوتینین اؤزو اؤزونو روسیانی یئنیدن بؤیوک گۆجه چئویرجگینه اؤزونو ایناندیردیغینی و بونون یالنیز اوکراینانی کنترل ائتمکله مومکون اولابیلهجگینی دۆشوندوگونو ادعا ائتدی.
برنز، ساواشین گئدیشینه و روسیانین ایتکیلری ایله باغلی سوالا بئله جاواب وئردی:
"ایتکیلرین دقیق ساییسی یوخدور، عموماً آرالیقلار واردیر. آمریکا استخبارات توپلولوغونون ان سون تخمینلرینه گؤره، ۱۵ مین دولاییندا اؤلو و احتیمالاً بونون اوچ قاتی دا یارالی وار. یعنی چوخ اؤنملی ایتکیلر. اوکراینالیلار دا چوخ ایتکی وئردیلر. احتمالاً بوندان بیر آز داها آز".
پوتینین آمریکا و آوروپانین دقتینی باشقا یوللا یاییندیرابیلهجگینی، اوکراینا و آوروپانی گۆجسوزلشدیرهبیلهجگینی دۆشوندوگونو دیله گتیرهن برنز، روسیا لیدئرینین یانیلدیغینی، آمریکا و دیگر دؤولتلرین سلاح دستگی وئردیگی مدتجه اوکراینالیلارین ساواشا داوام ائدهجگینی بیلدیردی.
ایلگیلیلی خبرلر
آنتونی بلینکن چین-لی همکاری وانگ یی ایله گؤروشوب
امریکانین خاریجی ایشلر ناظیری آنتونی بلینکن چینه رسمی سفری چرچیوهسینده همکاری وانگ یی ایله گؤروشوب.