دونیا تیجارت تشکیلاتی ناظیرلر کنفرانسیندا آنلاشدی

دونیا تیجارت تشکیلاتینا (DTÖ) عضو اؤلکه‌لر سوئیس-ین ژنو شهرینده کئچیریلن 12-جی ناظیرلر کنفرانسیندا اصلاحات‌لار مسئله‌لرینه دایر راضی‌لیق الده ائدیب‌لر.

باغلانیش اوتوروموندان سونرا کئچیریلن مطبوعات کنفرانسیندا چیخیش ائدن دونیا تیجارت تشکیلاتی-نین باش دیرکتورو نگوزی اوکونجو-ایویلا  بیلدیریب کی، ایشتیراکچی ناظیرلر اول‌لر هئچ واخت گؤرولمه‌میش راضیلاشما‌لار الده ائدیب‌لر:

"دونیا تیجارت تشکیلاتین اوزون مدت‌دیر کی، بئله اهمیت‌لی سایدا چوخ طرف‌لی نتیجه‌لرین شاهیدی اولماییب".

دونیا تیجارت تشکیلاتی‌-نین سایتیندا درج اولونموش 12-جی ناظیرلر کنفرانسی‌نین نتیجه‌لرینه اساساً، ایشتیراکچی عضو‌لر حدیندن آرتیق بالیق اووونون قارشی‌سینی آلماق اوچون 20 ایلدن آرتیق‌دیر کی، دانیشیق‌لار آپاران بالیق اووو سوبوانسیون لارینین آزالدیلماسی باره‌ده راضیلیغا گلیب‌لر.

عضو اؤلکه‌لر همچنین قلوبال میقیاسدا یئنی نوع کوروناویروس (کووید-19) آشی لارینا برابر چیخیش اوچون واکسن‌لرین پاتنت حقوقون‌دان موقتی ایمتینا ائتمه‌یه راضیلاشیب‌لار.

ارزاق تهلوکه‌سیزلیگی ایله موباریزه اوچون لازیمی تدبیرلرین گؤرولمه‌سی، تیجاری محصول‌لاری‌نین الکترون داشینماسی اوچون گمروک روسوم‌لاری‌نین بورج‌لاری‌نین داها 2 ایل مدتینه تاخیره سالینماسی، گله‌جک قلوبال اپیدمی لره قارشی موباریزه‌ده امکداش‌لیق راضی‌لاش‌دیریلان مسئله‌لر سیراسیندا اولوب.