دوجاریک: تورکیه ایله یاخین تماسداییق
"آنتونیو گوترش، جمهورباشقانی اردوغانین، چاووشاوغلونون و تورک اوردوسونون یاخین امکداشلیغینا گؤره سون درجه مینتداردیر"
بیرلشمیش میللتلر تشکیلاتی باش کاتیبی سؤزچوسو استفان دوجاریک، اوکراینا تاخیلینین قارادنیزدن چیخاریلماسی ایله باغلی تورکیه ایله یاخین تماسدا اولدوقلارینی بیلدیردی.
استفان دوجاریک، گوندهلیک مطبوعات بیلگیلندیرمه توپلانتیسیندا خاریجی ایشلر باخانی مؤولود چاووشاوغلونو "مینلر تمیزلهنمهدن اوکراینا تاخیلی قارادنیزدن چیخاریلابیلر" ایفادهسینی "سون درجه مثبت" اولاراق دگرلندیردی.
استفان دوجاریک:
"بیز بو مسئلهده تورک مقاملارلا چوخ یاخین ارتباطداییق و امکداشلیق ائدیریک. باش کاتیب آنتونیو گوترش، جمهورباشقانی (رجب طیب) اردوغانین، چاووشاوغلونون و تورک اوردوسونون یاخین امکداشلیغینا گؤره سون درجه مینتداردیر. بو سورونو حل ائتمک اوچون چوخ مثبت شکیلده ایشلهییریک."حاضردا آیرینتیلاری بؤلوشهبیلمرهم آنجاق خاریجی ایشلر باخانینین آچیقلامالاری سون درجه مثبتدیر. خاریجی ایشلر باخانی، بیرلشمیش میللتلر پلانیندان دانیشدی. مختلیف سئچهنکلر وار و تورک اوردوسونون رولو حساسدیر. بیز بوتون طرفلرله تماسداییق و تورک مقاملار تماسلارین قورولماسیندا دا سون درجه یاردیمچی اولدولار" دئدی.
ایلگیلیلی خبرلر
لندنده قیلینجلی سالدیری
الی قیلینجلی شخص، ایکیسی پلیس مأمورو اولماق اوزره ۵ نفری قیلینجییلا یارالادی