"آمریکا، روس ژنراللارینین اؤلدورولمه‌سینه یاردیم ائدیر"
نیویورک تایمزین اوست سویه آمریکالی یئتکیلیلره دایاندیردیغی خبرینه گؤره، آمریکانین اوکراینایا گئرچک زامانلی ساواش ساحه‌سی استخباراتی تامین ائتدیگی قید ائدیلدی
آمریکا بیرلشمیش دؤولتلرینین اوکراینا اوردوسونا تامین ائتدیگی عسگری استخبارات سببی ایله تخمیناً ۱۲ روس ژنرالینین ساواش ساحه‌سینده هدف آلیناراق اؤلدورولدوگو ادعا ائدیلدی.
نیویورک تایمزین اوست سویه آمریکالی یئتکیلیلره دایاندیردیغی خبرینه گؤره، آمریکانین اوکراینایا روسیانین موبیل عسگری قرارگاهینین یئری ده داخیل اولماق اوزره گئرچک زامانلی ساواش ساحه‌سی استخباراتی تامین ائتدیگی قید ائدیلدی.
اوکراینا اوردوسونون، آمریکانین پایلاشدیغی معلوماتلارا اؤز استخباراتینی دا داخیل ائد‌رک ساواش ساحه‌سینده روس عسگری یئتکیلیلری هدف آلدیغی و بو آنا قدر تخمیناً ۱۲ روس ژنرالین توپچو آتیشی و یا دیگر سالدیریلارلا اؤلدورولدوگو ادعا ائدیلدی.
خبرده، اوکراینا اوردوسونون سالدیریلارینین هامیسینین آمریکا استخباراتینا دایانمادیغینا ایشاره ائدیله‌رک آمریکانین روس اوردوسونا قارشی استخباراتی نئجه ییغدیغی و یا بو معلوماتلارین پایلاشیلماسیندان اؤترو تام اولاراق نئچه روس ژنرالینین اؤلدورولدوگونون ده دقیق اولمادیغی بیلدیریلدی.
سؤز قونوسو چابالارین اوکراینانین اؤزونو ساوونماسینا کؤمکچی اولماق اوچون جو بایدن رهبرلیگینین گیزلی دستگینین بیر پارچاسی اولدوغو ایفاده ائدیله‌ن خبرده، آغ ائوین، استخبارات پایلاشیمینا ایستیقامتلی هر هانسی بیر آچیق گیریشیمین روسیا دؤولت باشقانی ولادیمیر پوتینی تحریک ائده‌بیله‌جگیندن قایغی دویدوغو دگرلندیرمه‌سی ده ائدیلدی.
