دونیا ساغلیق تشکیلاتی:"کووید-19-ا" یولوخما نیسبتی آزالماغا داوام ائدیر
تشکیلاتین یایدیغی هفتهلیک گونجل "کووید-19" راپورونا 11-17 آوریل تاریخلرینده قلوبال یولوخما آرتیمینا دایر معلوماتلار پایلاشیلیب.
دونیا ساغلیق تشکیلاتی قلوبال یئنی نوع کوروناویروسا (کووید-19) یولوخما نیسبتینین سون بیر آیدا آزالماغا داوام ائتدیگینی آچیقلاییب.
تشکیلاتین یایدیغی هفتهلیک گونجل "کووید-19" راپورونا 11-17 آوریل تاریخلرینده قلوبال یولوخما آرتیمینا دایر معلوماتلار پایلاشیلیب.
راپورا گؤره، بو مدت عرضینده دونیادا 18 مین 215 نفر ویروس سببیله حیاتینی ایتیریب، 5،5 میلیون "کووید-19" یدلوخما حالی قئیده آلینیب.
قلوبال یولوخما آرتیمی نیسبتی اوولکی هفته ایله موقاییسهده 24 فایز آزالیب و قلوبال یولوخمالارین آزالماسی مارسین سون هفتهسیندن بری داوام ائدیر.
دونیا ساغلیق تشکیلاتی طرفیندن مارسین 30-دا یاییلان 2022-جی ایلده "کووید-19" قلوبال فوق العاده وضعیته سون وئرمک اوچون استراتژی حاضیرلیق و موباریزه پلانینا ویروسون تکامولو ایله باغلی 3 سناریو داخیلدیر.
بیرینجی سناریودا، گوجلندیریجی آشی دوزلاری طلب ائتمهیهجک آز سایدا و تاثیرسیز "کووید-19" واریانتینین اولاجاغی تخمین ائدیلیر.
ایکینجی سناریودا ویروسون تکامولونو داوام ائتدیرجگی، لاکین واکسن لر سایهسینده آغیر خستلیگین سرعتینین آزالاجاغی گؤزلنیلیر.
اوچونجو سنایوردا ایسه اساس دقتی ویروسون داها آغیر و یولوخوجو واریانتلارینین اورتایا چیخماسینا و بو یئنی تهلوکهیه قارشی مؤوجود واکسنلرین ایشلمهمهسی احتیمالی نظرده توتولور.
دونیا ساغلیق تشکیلاتی-نین باش مودیری تدروس آدهانوم گبریسوس تشکیلاتین استراتژی حاضیرلیق و موباریزه پلانینی قیمتلندیرمهسینده "کووید-19"-ون بو ایلین سونونا دوغرو تامامیله نظارت آلتینا آلینا بیله جگینی دیله گتیرهرک، ان یاخشی سناریو اوچون قلوبال آشی نیسبتینین آرتیریلماسینی توصیه ائتمیشدی.