امریکا-دان اوکراینایا یئنی عسگری یاردیم
امریکا پرزیدنتی جو بایدن اوکراینایا علاوه 800 میلیون دولارلیق سلاح و ساوونما یاردیمی ائدهجکلرینی آچیقلاییب.
امریکا پرزیدنتی جو بایدن اوکراینایا علاوه 800 میلیون دولارلیق سلاح و ساوونما یاردیمی ائدهجکلرینی آچیقلاییب.
جو بایدن یازیلی آچیقلاماسیندا اوکراینا پرزیدنتی ولودیمیر زلنسکی ایله تلفون دانیشیغی آپاردیغینی بیلدیریب:
"من زلنسکییه بیلدیردیم کی، بیز اونون اؤلکهسینه سلاح، مهمات و دیگر ساوونما یاردیملارینی تصدیق ائتمیشیک".
بایدن دئییب کی، اوکراینا امریکانین وئردیگی سلاحلاردان چوخ ثمرهلی ایستیفاده ائدیر. روسیا دونباس بؤلگهسینده هوجوملارینی آرتیرماغا حاضیرلاشارکن، بیز اوکراینایا اؤزونو ساوونما یاردیمینی داوام ائتدیرجییک".
بایدن بو یاردیملارلا روسیانین اوکراینانین دوغوسوندا گلهجکده ائدیلهجک هوجوملارا اوکراینانین دا جاواب وئرمهسینی تامین ائتمک ایستهدیگینی بیلدیرهرک، یاردیم پاکتینده توپ سیستملری، توپ لار و زیره لی حربی ماشینلارین یئر آلاجاغینی، همچنین حربی هلی کوپترلر ده گؤندرهجکلرینی قئید ائدیب.
بایدن امریکا و طرفداشلارینین اوکراینایا وئردیگی دستکین کریتیک اهمیتینی وورغولاییب:
"بو یاردیملار (روسیا پرزیدنتی ولادیمیر) پوتینه اوکراینانی اله کئچیرمک و اونا نظارت ائتمک مقصدینه نایل اولا بیلمهسینه شرایط یارادیب. ایندی بیز الیمیز باغلی دایانا بیلمریک. زلنسکییه دئدیم کی، امریکا اوکراینا خالقینین آزادلیق محاربهسینده یانیندا اولماغا داوام ائدهجک.
بایدنین آچیقلادیغی یئنی یاردیم پاکتی ایله امریکانین 2021-جی ایلین اولیندن اوکراینایا ائتدیگی ساوونما یاردیمینین مبلغی 3 میلیارد دولارا چاتیب.