بمت: اوکراینا-دا ان آزی 1119 سیویل حیاتینی ایتیریب
بیرلشمیش میللتلر تشکیلاتی روسیا-اوکراینا ساواشی زامانی اوکراینادا ان آزی 1119 سیویلین حیاتینی ایتیردیگینی آچیقلاییب.
بمت: اوکراینا-دا ان آزی 1119 سیویل هلاک اولوب
بیرلشمیش میللتلر تشکیلاتی روسیا-اوکراینا ساواشی زامانی اوکراینادا ان آزی 1119 سیویلین حیاتینی ایتیردیگینی آچیقلاییب.
بیرلشمیش میللتلر تشکیلاتی روسیا-اوکراینا ساواشی زامانی اوکراینادا ان آزی 1119 سیویلین حیاتینی ایتیردیگینی، 1790 سیویل وطنداشین یارالاندیغینی، هوجوملاردان سونرا 3 میلیون 821 مین 49 قاچقینین قونشو اؤلکهلره کؤچدوگونو آچیقلاییب.
بیرلشمیش میللتلر تشکیلاتینین قاچقینلار اوزره عالی کمیسارلیغینین وئردیگی آچیقلامادا اوکرایناداکی قاچقین بحرانی ایله باغلی موختلیف منبعلردن الده ائدیلن معلوماتلار پایلاشیلیب.
آچیقلامایا گؤره، فوریهنین 24-دن مارسین 26-دک اوکراینا-دان یاریدان چوخو لهستانا گئدن 3 میلیون 821 مین 49 قاچقین قونشو اؤلکهلره کئچیب.
قونشو اؤلکهلردن لهستان (2 میلیون 267 مین 103)، رومانیا (586 مین 942)، مولدووا (381 مین 395)، ماجاریستان (349 مین 107) و سلوواکیا (272 مین 12) قاچقین کئچیب.
دونتسک و لوگانسک ویلایتلریندن 21-23 فوریه تاریخلرینده 50 مین اینسان روسیایا گئدیب.
اوکراینادان قونشو اؤلکهلره گئدن یوز مینلرله قاچقینین بورادان دیگر آوروپا اؤلکهلرینه گئتدیگی معلومدور.
دیگر طرفدن، بمت-یه باغلی اولوسلار آراسی کوچ تشکیلاتی اوکراینا داخیلینده ده 6،5 میلیون سیویلین دیدرگین دوشدوگونو و بئلهلیکله، قاچقینلارلا قونشو اؤلکهلره کؤچموش اوکراینالیلارین عمومی سایینین 10 میلیونا چاتدیغینی بیلدیریب.
ان آزی 1119 سیویل حیاتینی ایتیریب
بمت-نین اینسان حقوقلاری اوزره عالی کمیسارلیغینین معلوماتینا گؤره، فوریهنین 24-دن مارسین 26-دک روسیا-اوکراینا محاربهسینده ان آزی 1119 سیویل هلاک اولوب، 1790 سیویل ایسه یارالانیب.
آچیقلامادا اؤلن و یارالانان سیویل لرین سایینین معین ائدیلندن چوخ اولا بیلهجگی وورغولانیب.
بیاناتا گؤره، سیویل اهالی آراسیندا ایتکیلرین چوخو گئنیش تأثیر شدتینه مالیک پارتلاییجی سلاحلارین ایستیفادهسی، او جملهدن آغیر توپ و چوخ سایلی راکت سیستملرینین بومباردمانلاری و هاوا ضربهلری نتیجهسینده باش وئریر.
بمت اوکرایناداکی سیویل ایتکیلرله باغلی یالنیز تصدیق ائده بیلهجگی رقملری آچیقلاییر. اوکراینا حاکمیتینین معلوماتینا گؤره، حیاتینی ایتیرن سیویل لرین سایی داها چوخدور.
ایلگیلیلی خبرلر
جوزپ بورل فیلیسطین دؤولتینی تانییاجاق اؤلکهلری آچیقلادی
جوزپ بورل ایسپانیا، مالتا، ایرلاندیا و اسلوونیا-نین فیلیسطین دؤولتینی تانییاجاغینی بیلدیریب.