آمریکا لهستانا پاتریوت گؤندریر
آوروپا قوموتانی ژنرال تود والترز، ایکی عدد پاتریوت هاوا ساوونما سیستمینین لهستانا گؤندریلمهسی تاپشیریغی وئردی
آمریکا بیرلشمیش دؤولتلری آوروپا قوموتانلیغی، لهستانا "ساوونما مقصدلی اولاراق" ۲ عدد پاتریوت سیستمی گؤندریلهجگینی آچیقلادی.
آمریکا بیرلشمیش دؤولتلری آوروپا قوموتانلیغیندان وئریلهن یازیلی آچیقلامایا گؤره، آوروپا قوموتانی ژنرال تود والترز، ایکی عدد پاتریوت هاوا ساوونما سیستمینین لهستانا گؤندریلمهسی تاپشیریغی وئردی.
بو سیستملرین "تامامیله ساوونما آماجلی" اولدوغو بیلدیریلن آچیقلامادا، موشکلرین هئچ بیر شکیلده سالدیری مقصدلی اولمادیغینا ایشاره ائدیلدی.
آمریکا ایله لهستان آراسیندا داها اؤنجه، "اوکراینایا اوچاق گؤندرمه" قونوسوندا بعضی یاناشیم فرقلری اولدوغو اورتایا چیخمیش، لهستان بو اوچاقلاری اوکراینایا بیر باشا گؤندرهبیلمهیهجگینی، آمریکانین آلمانیاداکی حربی مرکزینه تحویل وئرهبیلهجگینی آچیقلامیشدی.
پنتاگون ایسه اوچاقلارین دوغرودان آمریکا الی ایله اوکراینایا تحویل وئریلمهسی احتیمالینی، ساحهده تطبیق اولونماسی او قدر ده ممکن اولمایان بیر وضعیت اولاراق تانیملامیشدی.