فرانسا اوکراینادا آتشکس اوچون سعیلرینی داوام ائتدیرجگینی بیلدیردی
فرانسا پرزیدنتی امانوئل ماکرون روسیانین هوجوملاری آلتیندا اولان اوکراینادا آتشکسه نایل اولماق و محاربنی دایاندیرماق اوچون سعیلرینی داوام ائتدیرهجکلرینی بیان ائدیب.
فرانسا پرزیدنتی امانوئل ماکرون روسیانین هوجوملاری آلتیندا اولان اوکراینادا آتشکسه نایل اولماق و محاربنی دایاندیرماق اوچون سعیلرینی داوام ائتدیرهجکلرینی بیان ائدیب.
الیزه ساراییندان خالقا مراجعت ائدن ماکرون فوریهنین 24-دن بری داوام ائدن روسیا-اوکراینا محاربهسینده یوزلرله اوکراینالینین حیاتینی ایتیردیگینی بیلدیریب.
قارشیداکی گونلرین داها چتین اولاجاغینی دیله گتیرن ماکرون اوکراینالیلارین قونشو اؤلکهلره کؤچ ائتدیگینی و فرانسانین بو مؤوضوع دا اوزرینه دوشنی ائدجگینی بیلدیریب.
ماکرون اوکراینا پرزیدنتی ولادیمیر زلنسکی یه دستکینی ایفاده ائدیب.
فرانسانین آوروپا و ناتو-نون ایستهمهدیگی بو محاربهنین قارشیسینی آلماق اوچون هر شئی ائتدیگینی دیله گتیرن امانوئل ماکرون روسیا پرزیدنتی ولادیمیر پوتینین وئردیگی عهده لیک لره ضد اولاراق بو محاربنی اوستون توتدوغونو، مسکوانین هوجوما معروض قالانین دئییل، هوجومون طرفینده اولدوغونو بیلدیریب.
فرانسا لیدئری دئییب کی، بو محاربه پوتین ادعا ائتدیگی کیمی "نازیزمه قارشی" دئییل.
اوکراینادا آتشکسین تامین ائدیلمهسی و محاربهنین دایاندیریلماسی اوچون سعیلرینی داوام ائتدیرهجکلرینی ایفاده ائدن ماکرون روسیا ایله ساواش ائتمه دیکلرینی، مومکون و لازیم اولدوغو قدر پوتین ایله علاقه ساخلاماغا داوام ائدجگینی سؤیلهییب.