اردوغانین اوکراینا سفری دونیا مطبوعاتیندا
تورکیهنین روسیا-اوکراینا بحرانیندا آراچیلیق اوچون طرفلرله تماسا گئچمهسی دونیا مطبوعاتیندا گئنیش بیر شکیلده یئر آلدی
جمهورباشقانی رجب طیب اردوغانین دوننکی اوکراینا سفری و تورکیهنین روسیا-اوکراینا بحرانیندا آراچیلیق اوچون طرفلرله تماسا گئچمهسی دونیا مطبوعاتیندا گئنیش بیر شکیلده یئر آلدی.
اینگیلیس گاردین قزئتی، خبری "اردوغان، اوکراینا-روسیا آراسیندا آراچیلیق تکلیف ائتدی" باشلیغییلا دویوردو.
تلگراف قزئتی ده، تورکیهنین کیلید اؤنمده بیر ناتو عضوو اولدوغونا دقت چکدی، پروبلئمین دیپلوماتیک حلی اوچون چالیشدیغینا وورغو ائتدی.
روسیا ایله اعتداللی ایلیشکیلردن یانا اولان آلمانیادا دا مئدیا، جمهورباشقانی اردوغانین کیئو سفرینی یاخیندان ایزلهدی.
فرانکفورتر آلگماینه زایتونگ، "تورکیه، اوکراینا ایله روسیا آراسیندا بیر حربی چاتیشمانی اؤنلهمک ایستهییر" وورغوسو ائتدی.
در تاگ اشپیگل قزئتی، "تورکیه، ایکی اؤلکه آراسینداکی بحرانی سونا چاتدیرماق اوچون اوزرینه دوشهنی ائتمهیه حاضر" دئدی.
فرانس۲۴، اوکراینا دؤولت باشقانی ولادیمیر زلنسکینین تورکیهنین آراچیلیق تکلیفینی سئوینجله قارشیلادیغینی یازدی.
قطر مرکزلی الجزیره ده، تورکیهنین اوکراینا بحرانینین حلینده کؤمگه حاضر اولدوغونا وورغو ائتدی.