بایدن و ماکرون اوکراینا بحرانینی موذاکیره ائتدیلر

امریکانین پرزیدنتی جو بایدن و فرانسا‌لی همکاری امانوئل ماکرون آراسیندا تلفون دانیشیغی اولوب.

روسیا و اوکراینا آراسینداکی گرگین‌لیکله باغلی لیدئرلرین دیپلوماتیک علاقه‌لری داوام ائدیر.

بایدن و ماکرون تلفون دانیشیغیندا روسیانین اوکراینا سرحدینده حربی گوجلنمه‌سینی موذاکیره ائدیب‌لر.

تلفون صحبتیله باغلی آغ ائودن وئریلن آچیقلامادا “ایکی لیدئر اوکراینانین اگمنلیگی و اراضی بوتؤو‌لوگونو دستکله‌دیک‌لرینی بیر داها تصدیقله‌دی‌لر” دئییلیب.

آچیقلامادا بایدن و ماکرونون اوکراینایا نؤوبتی موداخیله حالیندا روسیایا تطبیق اولونا‌جاق سرعت‌لی و جدی اقتصادی تحریم لره حاضیرلیق و اونلارین دیپلماسی مؤوضوع سوندا داوام ائدن کووردیناسیونلاری موذاکیره ائتدیک‌لری قئید ائدیلیب.

آچیقلامادا او دا بیلدیریلیب کی، هر ایکی طرف بو مسئله‌یه کووردیناسیونلو و هرطرف‌لی یاناشماق اوچون یاخین تماسدا اولماق، ناتو و آوروپا بیرلیگی طرفداش‌لارینی مسئله‌یه جلب ائتمک باره‌ده راضیلیغا گلیب‌لر.