افغانیستان وطنداشلارینین باشووروسو رد ائدیلدی
یوزلرجه افغانیستانلینین، آمریکایا گئدهبیلمک اوچون ائتدیگی "اینسانی دوروم ویزاسی" مراجعتینه منفی جاواب وئریلدی
![افغانیستان وطنداشلارینین باشووروسو رد ائدیلدی](http://cdn.trt.net.tr/images/xlarge/rectangle/0ebb/0ff7/44c2/61b053f7ec328.jpg?time=1718705183)
آمریکا بیرلشمیش دؤولتلرینه اینسانی سببلرله گئچیجی گیریش ایستهیهن یوزلرجه افغانیستان وطنداشینین باشووروسو فدرال کؤچمن ادارهلری طرفیندن رد ائدیلدی.
آمریکا مئدیاسیندا یئر آلان خبره گؤره، سون هفتهلرده طالبان طرفیندن تهدید ائدیلهن، عائلهلریندن آیری دوشهن یوزلرجه افغانیستانلینین، آمریکایا گئدهبیلمک اوچون ائتدیگی "اینسانی دوروم ویزاسی" مراجعتینه منفی جاواب وئریلدی.
آمریکا وطنداشلیق و کؤچمنلیک خیدمتلری دفتری، آمریکانین افغانیستاندان چکیلمهسیندن بو یانا، ۳۵ میندن چوخ "اینسانی دوروم ویزاسی" مراجعتی آلدی.
آمریکا وطنداشلیق و کؤچمنلیک خیدمتلری افیسی سؤزچوسو ویکتوریا پالمر، بو هفته ۱۴۰دان چوخ مراجعتی شرطلی قبول ائتدیکلرینی، تخمیناً ۴۷۰ مراجعتین ایسه رد ائدیلدیگینی سؤیلهدی.
کؤچمن حاقلاری ساوونوچولاری ایسه بو وضعیت قارشیسیندا جو بایدن رهبرلیگینی، آمریکانین افغانیستاندان چکیلمهسینین آردیندان گئریده قالان افغانیستانلیلارا کؤمک ائتمه سؤزونو یئرینه یئتیرمهمکله تنقید ائتدی.